Америкийн үндэсний сагсан бөмбөгийн холбооны ээлжит улирлын тоглолтууд албан ёсоор эхэлсэн. Шинэ улирлын нээлттэй холбогдуулан лигийн зүгээс баг, тамирчин, ажилтнуудад хийсэн коронавирусийн нэгдсэн шинжилгээ энэ сарын 16-наас эхэлж, долоо хоногийн хугацаатай үргэлжилжээ. Тус нэгдсэн шинжилгээгээр хоёр тамирчны шинжилгээний хариу эерэг гарсан байна. Лигийн зүгээс шинжилгээний хариу нь эерэг гарсан хоёр тамирчны нэрийг зарлаагүй бөгөөд “Зул сарын тоглолтууд тасалдахгүй, үргэлжлэх болно” хэмээн мэдээллээ.

“ESPN”-ий тоймч Адриан Вожнаровский “Лигийн удирдлагууд зөвлөлдөж, ашиглах эрхээ баталгаажуулсан коронавирусийн эсрэг Модерна болон Pfizer вакциныг худалдан авч, тамирчдынхаа аюулгүй байдлыг бүрэн хангахаар ажиллаж байгаа” гэв.