BBC агентлагаас жил бүр уламжлал болгон зохион байгуулдаг спортын оны шилдгүүдийг тодруулах үйл ажиллагаа өнгөрсөн амралтын өдрүүдэд болж өнгөрлөө. Их Британийн Манчестер хотын Салфорд цэнгэлдэхээс шууд дамжуулсан уг үйл ажиллагаанд 1000 гаруй виртуал үзэгч хамруулсан юм.

Оны хамгийн шилдэг спортын тамирчин: “Формула” уралдааны нисгэгч, Их Британийн тамирчин Лэвис Хэмилтон

Хеллен Ролласоны нэрэмжит шагнал: “Ахмад Том” нэрээр алдаршсан Их Британийн армийн ахмад асан Том Мур

Тусгай шагнал: Английн хөл бөмбөгийн “Манчестер Юнатед” багийн тамирчин Маркус Рашфорд

Шилдэг дасгалжуулагч: Английн хөл бөмбөгийн “Ливерпүүл” клубын дасгалжуулагч Юрген Клопп

Шилдэг баг, хамт олон: Английн хөл бөмбөгийн Премьер лигийн “Ливерпүүл” клуб

“Зарлагдаагүй баатар”-ын шагнал: Цагдаагийн офицер агсан Мэтт Ратана. Тэрээр өнгөрсөн есдүгээр сард албан үүргээ гүйцэтгэж явахдаа амь насаа алджээ.

“Ахмад Том”-ын нэрэмжит “Зарлагдаагүй баатар”-ын шагнал: Есөн настай хөгжлийн бэрхшээлтэй хүү Тобиас Веллер. Тэрбээр хоёр марафонд амжилттай оролцож, 84 километр гаруй зайг туулжээ. Өдгөө спорт сонирхогчид түүнийг “Ахмад Тобиас” хэмээдэг болсон юм.

Шилдэг залуу тамирчин: Германы усанд сэлэлтийн спортын тамирчин Андреа Спендолини-Сириикс