Одоогоос 10 жилийн өмнө дэлхийн аварга цол хүртсэнээс хойш төдийлөн амжилт үзүүлж чадаагүй яваа Нил Робертсон Их Британийн аварга шалгаруулах тэмцээнийн аваргын төлөөх тоглолтод дэлхийн чансааг тэргүүлэгч Жудд Трамптай таарсан билээ. Харин тус аварга шалгаруулах тоглолтод хоёр шилдэг тамирчны тоглолт есөөс 10-ын харьцаатайгаар өндөрлөж, Нил Робертсон Их Британийн наадмын аварга цол хүртлээ.

       Үзэгч, шинжээчдийн зүгээс уг тоглолтыг шүүлтийн хувилбар гарахааргүй маш цэвэр, нямбай бөгөөд тоглолтод Жуд Трамп илүүрхэж, төсөөлж байснаас хурдан дуусна хэмээн таамаглаж байсан ч, хоёр тоглогчийн өрсөлдөөн уг спортыг сонирхогчдын хүлээлтийг давуулж тоглосон талаар хэвлэл мэдээллийн байгууллагууд онцолж байна. Эхний тойрогт тамирчид дөрөв дөрвийн харьцаатайгаар тэнцэж, сүүлийн тойрогт нийтдээ 72 удаа завсарласан бөгөөд Трампыг эцсийн бөмбөгөө алдсаны дараа Робертсон бүх бөмбөгөө дуусгаж, маш том тактикийн тулаанд ялалт байгуулаад байна.

       Тус наадмын дараа Нил Робертсон “Бид хоёр үзэгчгүй колизейн гладиаторууд байлаа” хэмээн юм. Коронавирусийн цар тахалтай холбоотой хөл хорионы дэглэмийн Их Британид ч мөн үйлчилж, томоохон спорт, соёл, урлагийн наадмуудыг үзэгчгүй зохион байгуулж байгаа юм.