Аргентины хөл бөмбөгийн нүүр царай болсон домогт тамирчин Диего Марадона нас бараад удаагүй билээ. Үүнтэй зэрэгцэн түүний хөрөнгийг залгамжлах тухай асуудлууд ар араасаа гарч, иргэд маш олон төрлийн санал дэвшүүлээд байгаа юм. Хэдий Марадонагийн гэрээслэл ил болоогүй ч, Аргентины шүүхээс түүний хөрөнгийг зургаан эхээс төрсөн найман хүүхдэд нь хувааж өгөх боломжтой хэмээн үзжээ.

       Домогт тамирчин Марадонагийн өв хөрөнгийн талаар мэдүүлсэн, эцэг тодорхойлуулах шинжилгээнүүд Аргентины шүүхэд ихээр ирэх болсон гэнэ. Мөн эх сурвалжуудын мэдээлснээр Марадонагийн хүүхдүүд ч хоорондоо таагүй харилцаатай байгаа ажээ. Хөрөнгийг нь өв залгамжлах талаар олон маргаан үүсээд байгаа ч хууль, шүүхийн байгууллагынхаа одоог хүртэл хөрөнгийн бодит хэмжээг тооцож гаргаагүй гэнэ. Марадонагийн хөрөнгөнд үл хөдлөх хөрөнгийн багц, ашигт малтмалын олборлолтын эрх, цөөнгүй газар уснаа явагч танк зэрэг багтдаг байна. Шүүхийн байгууллагын мэдээлснээр домогт тамирчны хөрөнгө 70-аас 100 сая ам.доллар хүртэл байх гэнэ.