Спортоор амьдралаа залгуулахын зэрэгцээ тэрбумтан болсон тамирчид цөөнгүй бий. Тухайлбал, нэрт хөл бөмбөгч Кристиан Роналдугийн хөрөнгө энэ жил анх удаа тэмбум ам.доллар давсан үзүүлэлттэй гарч, хамгийн залуу спортын  тэрбумтан болсон юм.

       Дэлхийн алдартай “Форбс” сэтгүүлээс бүх цаг үеийн хамгийн баян 100 тоглогчийг жагсаан бичжээ. Хамгийн баян гэгдэх 100 тамирчин дунд ердөө долоо нь тэрбум давсан ам.долларын хөрөнгөтэй аж. Тэгвэл тэрбум давсан хөрөнгөтэй хамгийн баян долоон тамирчинг танилцуулъя.

7.Кристиано Роналду

       “Форбс” сэтгүүлээс гаргасан шинэ тайлан дээр Португалийн алдарт тамирчны орлого нэг тэрбумд хүрчээ. Тэрбээр зөвхөн хөл бөмбөгийн спортоосоо 650 сая ам.долларын цэвэр ашиг олсон бол бусад орлогын эх үүсвэрээсээ буюу зочид буудлын сүлжээний бизнес болон зар, сурталчилгаанаас олсон байна. Мөн үүгээр тогтохгүй Францын хөл бөмбөгийн “Ювентус” клубын супер од Роналду энэ жил хамгийн их ашиг орлоготой оддын жагсаалтад дөрөвт жагссан ажээ.

6.Михаэль Шумахер

       Алдарт уралдааны нисгэгч Михаэль Шумахер нэг тэрбум ам.долларын цэвэр хөрөнгөөр уг жагсаалтын зургаадугаар байрт жагсжээ. Тэрбээр дэлхийн алдартай “Мерседес”, “Феррари” зэрэг авто машины брендийн нүүр царай болсныг нь түүний орлогын эх үүсвэртэй холбон тайлбарладаг байна. 2010-2012 онд буюу богино хугацаанд тэрбээр нийт 307 дэлхийн аваргын гран прид оролцсон амжилттай юм. Харамсалтай нь 2013 оны арванхоёрдугаар сарын 29-нд хүүтэйгээ цанаар гулгаж байхдаа толгойдоо хүнд гэмтэл авч, их спортоо орхих болсон билээ.

5.Флойд Мэйведер

       Боксын спортын хамгийн хүчирхэг тулаанч хэмээгддэг Флойд 1.1 тэрбум ам.долларын хөрөнгөөр жагсаалтын тавд бичигдэж байна. Money буюу Мөнгө хэмээн хочлуулдаг уг тамирчин тус жагсаалтад багтахын зэрэгцээ 2012 оноос хойш хамгийн өндөр цалинтай 50 тамирчны жагсаалтыг дөрвөн жил дараалан тэргүүлж, өдгөө хамгийн баян боксын спортын тамирчин хэмээгддэг болсон юм.

4.Жак Никлаус

       Жак Никлаус бол гольфын спортын түүхэн дэх хамгийн их ашиг орлого олсон гурван хүний нэг. Мөн тус гурван тамирчин нь уг жагсаалтын эхний дөрвийг эзлээд байна. Өдгөө 80 настай домогт тамирчин тус спортын оргил үедээ ашиг орлогын араас яваагүй ч зодог тайлсныхаа дараа барилга, байгууламж, уран зургийн бизнесээр хөрөнгөө ихэсгэж, 1.15 тэрбум ам.долларын хөрөнгөтэйгөөр жагсаалтын дөрөв дүгээр байрт жагссан юм.

3.Арнольд Палмер

       Гольфын спортын “PGA Tour” тэмцээнд 62 удаа түрүүлж, “Их мастеруудын” наадамд дөрвөн удаа ялалт байгуулсан тэрээр спортоосоо төдийлөн ашиг олж чадаагүй ч, маркетинг сайтай учир зар, сурталчилгаа зэргээс ашиг, орлогынхоо дийлэнх хувийг олж байсан аж. 1.35 тэрбум ам.долларын хөрөнгөөр жагсаалтын гурав дугаарт жагссан тэрээр 2016 онд хорвоогийн мөнх бусыг үзүүлсэн билээ.

2.Тайгер Вудс

       Гольфын спортод илт хүчирхэг байсныхаа улмаас тус спортын дүрэмд өөрчлөлт оруулахад нөлөөлсөн энэ эрхмийг гольфын спорт сонирхогчид, дэмжигчид, өрсөлдөгч багийнхан гэлтгүй бүгд хүндэтгэдэг билээ. Спортын бараа, бүтээгдэхүүний “Nike” компанитай хийсэн гэрээ нь түүний одоогийн 1.65 тэрбум ам.долларын хөрөнгөд хүргэсэн хэмээн үздэг байна.

1.Майкл Жордан

       Сагсан бөмбөгийн спортын амьд домог Майкл Жордан хэдий 2003 онд зодог тайлсан боловч “Nike” брендээс гаргадаг түүний нэрийн спортын бараа, бүтээгдэхүүн өнөөг хүртэл хамгийн өндөр борлуулалттай байдаг. Жордан тус брендээрээ жилд дунджаар гурван тэрбум ам.долларын ашиг орлого олдог бөгөөд түүнээсээ 120 сая паундыг өөрийн хувийн орлогоор авдаг байна. Өдгөө 57 настай Майкл Жордан “Nike” брендтэй “Арьс өнгө, нийгмийн шударга байдал, боловсролын хүртээмжийг нэмэгдүүлэхийн төлөө” 10 жилийн гэрээ байгуулсан учир өөрийн брендийн олдог гурван тэрбум ам.долларын ихэнх хувийг сайн үйлсийн аянд зориулдаг ажээ.