XXXII удаагийн зуны олимпын наадмыг ирэх долдугаар сарын 23-наас наймдугаар сарын 8-ны өдрүүдэд Япон Улсын нийслэл Токио хотод зохион байгуулна.

Тэгвэл ээлжит олимпын наадамд оролцохоор Япон Улсад очсон Уганда Улсын нэг тамирчин коронавирусийн халдвар илэрчээ.

Коронавирусийн халдвартай нь батлагдсан тамирчин нь астразенека вакцин бүрэн тунд хамрагдаж, Япон Улс руу зорчихоор шинжилгээ өгөхөд хариу нь сөрөг гараад байсан аж.

Тус тамирчныг Осака хот руу шилжүүлж, тусгаарласан талаар албаныхан мэдээлэв.

Олимпын наадамд оролцохоор Япон Улсыг зорьж буй тамирчид, төлөөлөгчдөөс коронавирусийн халдвар илрээгүй тохиолдолд тусгаарлахгүй шууд нэвтрүүлж байгаа бөгөөд өдөр бүр шинжилгээ авах гэнэ.

Эх сурвалж: BBC