Монгол Улсын харцага цолтой найман бөхийн допингийн шинжилгээний хариуг өнөөдөр буюу зургадугаар сарын 21-ний өдөр МҮБХ-ноос ил болгож, шинжилгээнээс ямар нэгэн бодис илрээгүй талаар мэдээлэв.

“Хийморь” төсөлд оролцсон улсын харцага Ц.Одбаяр, Т.Баасанхүү, О.Хангай, А.Цацабшир, Д.Бат-Эрдэнэ, Т.Бэгзсүрэн, Х.Гантулга, Д.Анар нараас А.Цацабшираас бусад долоон бөх допингийн шинжилгээгээ өгсөн.

Харцага цолтнууд өөрсдийн санаачилгаар санхүүжилтээ гаргаж, допингийн шинжилгээг өгсөн бөгөөд өнгөрсөн гуравдугаар сарын 31-ний өдөр зургаан бөх, цар тахалтай холбоотойгоор нэг бөх тавдугаар сарын 13-ны өдөр шинжилгээгээ өгсөн юм.

Монголын үндэсний допингийн эсрэг төв шинжилгээний хариуг танилцуулах журмын дагуу бүх шинжилгээг нэгтгэн МҮБХ-нд хүргэжээ.