• Өнөөдөр 2024-03-29

2021 оны шилдэг автомашины загварууд

2021-02-20,   1146

       АНУ-ын автомашин үйлдвэрлэгч “Тесла” компани өнгөрсөн оны төгсгөлд жолоочгүй автомашинаа танилцуулсан. Харин уг автомашиныхаа гарааны үнэ болон албан ёсоор худалдаанд гаргах хугацааг зарлаагүй. Гэсэн хэдий ч автомашины хөгжилд том хувь нэмэр оруулж буй тус компанийн урьд өмнөх төсөл, төлөвлөгөөгөөр энэ оны шилдэг автомашинуудын жагсаалтад хоёр ч загварын автомашин нь багтсан байна. “Тесла” компани түрүүлж, араас нь “Форд”, “Тоёота” компаниуд удаалж буй 2021 оны шилдэг автомашины загварууд болон түүний үнэ, ерөнхий мэдээллийг танилцуулъя.

Tesla Cybertruck

       АНУ-ын автомашин үйлдвэрлэгч “Тесла” компанийнхан энгийн, уламжлалт ган төмөр ашигладаг автомашины үйлдвэрлэлийг халж, шинэ загвар гаргахаа мэдэгдсэн. Уг автомашин 500 миль хүртэлх хурдны хайрцагтай бөгөөд 60 км цаг хурдлахад 2.9 секунд хангалттай гэнэ. Зэвэрдэггүй ган төмөр болон гөлгөр гадаргуу нь уг автомашиныг кинон дээрх ирээдүйн автомашинтай төстэй болгож, олон нийтийн хүлээлтийг үүсгэж байгаа юм. Автомашиныг үйлдвэрлэгч "Тесла" компаниас энэ ондоо багтааж, борлуулалтад гаргахаа мэдэгдсэн. “Tesla Cybertruck”-ийн захиалахын тулд урьдчилгаа 39900 ам.доллар буюу 113 сая төгрөг үйлдвэрлэгч компанид төлөх ёстой юм.

Ford Mustang Mach-E

       Дэлхийн шилдэг автомашин үйлдвэрлэгч компаниудын нэг болох “Форд” компаниас шинэ автомашины загвараа өнгөрсөн онд зарласан. “Ford Mustang Mach-E” автомашиныг ирэх зунаас эхэлж худалдаанд гаргах бөгөөд үйлдвэрлэгч компанийн зүгээс уг загварын автомашины эрэлтэд эргэлзэхгүй байгаа хэмээжээ. Урд болон хойд хөтлөгчөө хамт ашиглах эсэхээс шалтгаалж 270-305 миль хурдалдаг тус автомашины гарааны үнэ нь 125 сая төгрөг гэнэ.

Volvo XC40

       Энгийн “Volvo XC40” дөрвөн цилиндртэй турбо хөдөлгүүртэй бол “Volvo XC40 Recharge” загвар нь 402 морины хүчтэй цахилгаан дамжуулагч төхөөрөмжтэй юм. XC40 загварын автомашины дээрх хоёр төрөл нь 60 км цагт 4.9 секундэд хүрдэг. “Volvo” компаниас шинэ загварын автомашинаа энэ оны сүүлээр албан ёсоор худалдаанд гаргах бөгөөд үйлдвэрлэгчдийн мэдээлж буйгаар 50 мянган ам.доллароос бага үнэтэй байх гэнэ.

Toyata RAV4 Prime

       Энэ онд нээлтээ хийх автомашинуудыг өнгөрсөн онд жагсаахад тэргүүлсэн бартаат замын автомашиныг ирэх зунаас худалдаанд гаргана. Хосолсон хайбрид хөдөлгүүртэй “Toyata RAV4 Prime” автомашин нь 10 хүртэлх жил цэнэгээ барих цахилгаан зайтай бөгөөд 302 морины хүчтэй аж. “RAV4” автомашины доод талын үнэ 30 мянган ам.доллар буюу 85 сая төгрөгөөс эхлэх юм.

Chevrolet Trailblazer

       Тансаг загварын автомашинаараа алдартай “Chevrolet” брэндийн шинэ загварын автомашин нь 20 мянган ам.доллароос бага үнэтэй байх гэнэ. Дөрвөн дугуйндаа бүтэн хөтлөгч “Chevrolet Trailblazer” автомашин нь 155 морины хүчтэй аж.

Toyota Mirai

       “Тоёота” компанийн шинэ загварын автомашин нь хоёр төрлөөр гарах бөгөөд төрлөөсөө хамаарч 357-402 милийн хурдны хайрцагтай байна. Хойд хоёр дугуйндаа хөтлөгчтэй “Мирай” автомашин түлш болон цахилгаан шаардахгүй. Устөрөгчийн ажилладаг тус автомашиныг худалдан авах, түрээслэхээс хамаарч 3-6 жилийн устөрөгчөөр үнэгүй хангах аж. Устөрөгчөөр ажилладаг шинэ загварын автомашин нь 49000 ам.доллар орчим буюу 139 сая төгрөгийн үнэтэй байх гэнэ.

Kia Optima

       Шинэ төрлийн “Оптима” буюу K5 загварын 1.6-2.5 литрийн турбо банктай автомашин өнгөрсөн арванхоёрдугаар сараас худалдаанд гарсан билээ. “Kia Optima” автомашиныг 23490 ам.доллар буюу 66 сая төгрөгөөс эхэлж, улс бүрд харилцан адилгүй үнээр зарж байна.

Tesla Model Y

       Өнгөрсөн жилийн есдүгээр сараас худалдаалж эхэлсэн АНУ-ын автомашин үйлдвэрлэгч “Тесла” компанийн шинэ загварын энэхүү автомашин нь долоон хүний суудалтай. Мөн хосолсон мотороо цэнэглэж, нэг цэнэглэлтээрээ 300 миль хүртэл зорчих боломжтой. “Tesla Model Y” автомашины үндсэн үнэ нь 39 мянган ам.доллар буюу 111 сая төгрөгөөс эхлэх юм.

Kia Seltos

       Анх 2020 оны гуравдугаар сард худалдаанд гаргахаар зарласан ч одоог хүртэл албан ёсоор худалдаанд гараагүй байгаа “Киа” брэндийн шинэ төрлийн бага оврын жийп энэ онд худалдаанд гарах гэнэ. Дөрвөн цилиндртэй бөгөөд хоёр болон дөрвөн дугуйны хөтлөгчтэй байхаар худалдан авагч өөртөө тохируулан сонгох боломжтой. Автомашин үйлдвэрлэгч “Киа” компанийн мэдээлснээр 20 мянган ам.доллар буюу 56 сая төгрөгөөс бага үнэтэй байх гэнэ.

Lexus ES

       “Lexus” брэндийн шинэ загварын автомашин нь дотроо дөрвөн төрлийн сонголттой, хосолсон хөдөлгүүртэй гарах гэнэ. Дөрвөн цилиндртэй, 203 морины хүчтэй “Lexus ES” автомашины гарааны үнэ 40 мянган ам.доллар буюу 113 сая төгрөгөөс эхлэх гэнэ. Үйлдвэрлэгч компаниас автомашинаа албан ёсоор борлуулах өдрөө товлоогүй ч энэ онд багтааж худалдаанд гаргах тухайгаа мэдээлсэн юм.


2021 оны шилдэг автомашины загварууд
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188