Төрийн соёрхолт, Монгол Улсын Урлагийн гавьяат зүтгэлтэн, СУИС-ийн хүндэт профессор, “Баян Монгол” чуулгын ерөнхий удирдаач, хөгжмийн зохиолч Б.Ганбат хорт хавдрын улмаас өөд боллоо.

       Тэрбээр хагас зууны түүхтэй “Баян Монгол” чуулгад гоцлол гитарчнаас эхлэн ерөнхий удирдаач хүртэл 46 жилийн хугацаанд зүтгэсэн юм. Мөн Монголын дуу хөгжмийн урлагт өөрийн арвин их хувь нэмрээ оруулж, “Дээрэнгийн хар азарга”, “Дөрвөн настай халиун” зэрэг дан хөгжим болон хөгжмийн найруулгын 800 гаруй бүтээл толилуулж байлаа.