Их Британийн “Metal Hammer” сэтгүүл шинэ оны эхний дугаартаа орчин үеийн хүнд рок хөгжмийг шинэчлэн хөгжүүлж буй дөрвөн хамтлагийг танилцуулжээ. Хүнд рок хөгжмийн урсгалыг хөгжүүлж байгаа тус дөрвөн хамтлагийн нэгээр Монголын "The HU" хамтлаг нэрлэгдсэн байна.

       2016 онд анх байгуулагдсан цагаасаа хойш үндэсний хөгжмийн товшуур, морин хуур, хөөмийн урлагийг дэлхий дахинд таниулж буй "The HU" хамтлаг энэ цагийн шилдгүүдийн эгнээнд ийнхүү зэрэгцэн ирлээ. Тус жагсаалтад Германы "Heilung", Шинэ Зеландын "Alien Weaponry", Норвегийн "Twin Temple" зэрэг өнөө цагийн шилдэг хамтлаг багтжээ.