Дэлхийн хамгийн алдартай хөвгүүдийн хамтлаг гэгдэх Солонгосын BTS хамтлаг “Грэмми” шагналд өрсөлдөх эрхээ авчээ. Тухайлбал, өнгөрөгч мягмар гарагт “Грэмми” шагналын нэр дэвшигчдийг танилцуулсан бөгөөд “Шилдэг хослол, хамтлаг”-ийн төрөлд Lady Gaga, Ariana Grande, Taylor Swift, Bon Iver, Quavo болон Justin Bieber зэрэг попын томчуудтай “Dynamite” дуугаараа өрсөлдөж буй юм. Тус мэдээлэл цацагдсаны дараа BTS хамтлагийн гишүүд үзэгч, сонсогчдодоо баярлаж буйгаа илэрхийлсэн дүрс бичлэгээ “Твиттер” хуудастаа байршуулсан даруйдаа 12 сая гаруй үзэлт авчээ.

К-Поп урсгалын гол төлөөлөгчдийн нэг BTS хамтлагийн “Грэмми” шагналд нэр дэвшиж “Dynamite” дуу нь тус хамтлагийн анхны англи хэл дээр дуулсан дуу гэдгээрээ онцлогтой. Наймдугаар сард “Youtube” сувгаар цацагдсан “Dynamite” дуу эхний өдрөө л гэхэд 101.1 сая хүн үзэж, “Billboard Hot 100”-гийн жагсаалтыг хоёр долоо хоног гаруй хугацаанд тэргүүлсэн байна. Мөн “Youtube” сувагт байрлуулсан эхний өдрөө 101.1 сая үзэлт авсан хамгийн анхны К-Поп хамтлаг болсон юм.