• Өнөөдөр 2024-03-29

Үзэгчдийн СЭТГЭЛД ХОНОГШСОН хошин урлагийн шилдэг 10 ЖҮЖИГЧИН

2021-04-01,   663

Олон улсын инээдмийн баярын өдрийг тохиолдуулан уншигч та бүхэнд “Уоч-Можо” агентлагийн судлаач нарын дүгнэж, нэгтгэж, жагсаасан бүх цаг үеийн инээдмийн киноны шилдэг 10 жүжигчнийг танилцуулж байна. Ингээд сүүлийн 150 гаруй жилийн хугацаанд тайз, дэлгэцийн урлагт гарч ирсэн, үзэгчдийн сэтгэлд үүрд мартагдахааргүйгээр хоногшин үлдсэн шилдэг 10 хошин урлагийн жүжигчинтэй танилцуулъя.

10.Билл Мюррей

1980-аад оны үеийн инээдмийн кино урлагийн төрөлд драмын хэсгүүдээ үзэгчдэд мартагдахааргүй хүргэж чадсан түүнийг 10 дугаар байрт жагсаажээ.

9.Уилл Феррелл

“Хуучин сургууль” кинонд ер бусын гэмээр жүжиглэлтээ “амилуулсны” дараа Уилл “Saturday Night Live” шоугаа бүтээж эхэлсэн. Амьдралаа хошин урлагт зориулсан Уилл Феррелийн шоу бусад жүжигчдээ гаргаж ирэх, сурталчилан таниулах зорилготой байснаараа онцлогтой байсан юм.

8.Мел Брукс

1970-аад оны дэлгэцийн урлагийн амьд домгуудын нэг Мел Брукс киноныхоо зохиолыг өөрөө бичиж, найруулдаг байв. Тэгээд л камерын өмнө гарч ирэхдээ хэний ч танихгүй, мэдэхгүй шинэ дүр төрх, шинэ инээмсэглэлийг хүмүүст бэлэглэдэг.

7.Маркс ах дүүс

Бродвейн киноны үе шатуудыг дуусгасныхаа дараа ах дүү Маркс “Парамаунт” студитэй гэрээ байгуулсан. Тэр цагаасаа ах дүүс Холливудын кино урлагт шинэчлэл хийсэн.

6.Эдди Мерфи

Өнгөт арьст жүжигчид америкийн кино урлагт амжилт үзүүлэхэд хэцүү үед Эдди Мерфи өөрийгөө харуулж чадсан юм. Хошин кинонд зөвхөн жүжиглэлтээрээ бус стэнд ап комедиг гайхалтай үзүүлж чадсанаараа үзэгчдийн сэтгэлд хоногшин үлджээ.

5.Питер Селлерс

Анх “Ягаан ирвэс” кинонд мөрдөгч Клузогийн дүрээ бүтээж үзэгчдэд танигдсан тэрээр 1970 онд 55 настайдаа дахин “Ягаан ирвэс” киног шинээр бүтээж, “ясны” хошин урлагийн жүжигчин болохоо таниулаад байлаа.

4.Робин Уильямс

1990-ээд оны хошин урлагийн тэр чигт атгасан ганц л жүжигчин байдаг тухай кино урлаг сонирхогчид олон жилийн турш хэлэлцсээр ирсэн. Тэр цор ганц нэгэн бол Робин Уильямс. Хошин урлагийн төрөлд сэтгэл зүрхний уянга, халилийг ашиглаж чадсан тэрээр хошин урлагийн төрөлд Оскарын шагнал хүртсэн цөөн эрхмийн нэг билээ.

3.Бастер Китон

Анх 1910-аад оны үед аав нь санал болгоход л Бастер Китон анх удаа шоунд оролцох хүсэл төрсөн гэдэг. Тэр цагаас л дэлхийн олон сая үзэгчдийн мэдэх Бастер “төрсөн” аж.

2.Жим Керри

Жим Керригийн бүтээсэн шог царайт, харизма өндөртэй дүрүүдийг мэдэхгүй кино урлаг сонирхогч байхгүй гэхэд хилсдэхгүй. 2000-аад оны эхэн үед уналтын шатанд орсон хошин урлагийг Жим Керригийн сюрреалист дүрүүд аварсан талаар кино шүүмжлэгч, судлаачид хэлэлцдэг билээ.

1.Чарли Чаплин

“Явган хүн” нэрээ дэлхийд алдаршсан, дуугүй киноны загалмайлсан эцэг хэмээгддэг Чарли Чаплин уг жагсаалтыг тэргүүлж байна. Их Британийн кино урлагт өөрийн дүр төрхийг тодорхойлсны дараагаар Чарли Чаплин Америк руу явж, Холливудын дэлгэцийн урлагт шинэчлэл авчирсан байдаг. Одоогоос 100 жилийн өмнө бүтээсэн түүний “хэлгүй” дүрүүд өнөө цагт ч үл мартагдах аж.


Үзэгчдийн СЭТГЭЛД ХОНОГШСОН хошин урлагийн шилдэг 10 ЖҮЖИГЧИН
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188