БНСУ-ын нэрт найруулагч Ким Ки Дук таалал төгсжээ

А. Азсайхан:
Соёл урлаг- Кино ертөнц

2020-12-11, 987

БНСУ-ын нэрт кино найруулагч Ким Ки Дук коронавирусийн өвчний улмаас таалал төгслөө. Нэрт найруулагч нь Ким 1960 оны арванхоёрдугаар сарын 20-нд Хойд Гёнсан мужийн Бонгхва хотод мэндэлсэн. Тэрээр 1990-ээс 1993 онуудад Франц Улсын Парис хотод кино урлагийн чиглэлээр суралцаж, зохиолч, найруулагчийн ажлын гараагаа эхэлсэн бөгөөд кино урлагт хөл тавьсан эхний хоёр жилдээ Солонгосын томоохон кино урлагийн наадмын шагналыг хүртсэн юм.

Алдарт найруулагч Ким Латви Улсын Журмала хотод өнгөрсөн сарын 20-нд байшин худалдаж авахаар очсон бөгөөд удалгүй бусдаас зайгаа барьж, төлөвлөгөөнүүдээ цуцалсан байна. Ийн өнөөг хүртэл өөрийгөө тусгаарласаар өнгөрсөн шөнө 01:20 цагт өөд болжээ. Түүний бүтээлүүдээс манай орны үзэгчдэд “Хавар, зун, намар, өвөл, дахин хавар” хэмээх кино хэдий нь танил болсон билээ.

“Амьдрал богино, тиймээс мөрөөдлөө дага” хэмээн хэлэх дуртай алдарт найруулагч Ким Ки Дукын өөрийн кино урлагтаа баримталсан дөрвөн зарчмыг хүргэж байна.

1.Би өөрийн амьдралын түүхээр кино хийхгүй.

2.Би түүхэн болоод улс хоорондын асуудлаар кино хийхгүй.

3.Би өөрийгөө хуурах, аль эсвэл сэтгэл ханахын төлөө кино хийхгүй.

4.Би хүн болгоны мэддэг зүйлээр кино хийхгүй.