• Өнөөдөр 2020-10-21

Адъшаа гишүүний авлигатай тэмцэх их үйлсэд амжилт хүсье

2020-08-19,   141

2014 онд III цахилгаан станцын 50 МВт-ын өргөтгөлийг 35 сая, 2018 онд Эрдэнэтийн 50 МВт-ын хоёр цахилгаан станцыг 48, 51 сая ам.доллараар хийсэн бол 2019 онд Дорнодын цахилгаан станцын 50 МВт-ын өргөтгөлийг 78 сая ам.доллараар хийж байна. Одоогоос зургаан жилийн өмнө 50 МВт-ын хүчин чадал бүхий эрчим хүчний өргөтгөлийг 35 сая ам.доллараар хийж байсан бол өнөөдөр 78 сая ам.доллар болтлоо өсчээ. Зүйрлэвэл зургаан жилийн өмнө хятадад нэг талх 35 сая ам.доллар байсан бол өнөөдөр 78 сая ам.доллар болсон байна гэсэн үг.

Гэхдээ хятадад бараа бүтээгдэхүүний ханш тэнгэрт тултлаа өсчихөөд байгаа юм ерөөсөө биш. Одоо ч 50 МВт-ын цахилгаан станцын өргөтгөлийг хятадууд 35 сая ам.доллар түүнээс ч бага өртгөөр дэлхийн хаана ч байсан бариад л өгнө. Тэгэхээр гол учир нь монголчуудад бий. Тэр дундаа энэ бараа бүтээгдэхүүнийг захиалсан, тендерийг зарласан яам, тамгын газрын эрх бүхий цөөхөн хүн энэхүү үнийн өсөлтийн нандин гогцоог атгаж суугаа. Дээрх мэдээллээс харахад 43 сая ам.долларын зөрүү гарч байна.

Арай манай дарга нар ийм их мөнгө хулгайлдаг, авлигад авдаг юм биш биз. Авдаг, хулгайлдаг гэж тооцоход тендерийн комиссын хэдэн хүнд шингэхээргүй их мөнгө мэт санагдана. Гэхдээ л Хятадын зах зээл дээрээс 35 сая ам.доллараар хийлгэж болоод байсан ажлаа яагаад заавал 78 сая ам.доллараар хийлгэсэн юм бол. Арай авлигийн гэмт хэрэг биш байгаа даа. Ямартаа ч энэхүү асуудлыг шалгаж мухарлах ёстой. Үнэхээр гэмт хэргийн шинжтэй үнийн өсөлт мөн бол эртхэн алдааг залруулж Монгол Улс авлигаас үүдэлтэй алдагдал, хохиролгүй үлдэх ёстой.

Ер нь авлигийн гэмт хэргийн шинжтэй үнийн хэт өсөлт байх хардлага ар араасаа хөвөрсөөр байна. Энэхүү 78 сая ам.долларын төсөвт өртөг бүхий тендерт шалгарсан TBEA компани нь цахилгаан станц барих ямар ч туршлагагүй Хятадын Transformerүйлдвэрлэдэг компани гэдэг нь одоогоор ил болоод байна. Та бүхэнгүүглд TBEA гэсэн хайлтаар шүүгээд үзээрэй. Илэрц нь тун сонин. Тус компанийн танилцуулга буюу томхон авдрын чинээ Transformer-ийн зураг та бүхнийг гайхашруулах болно.

Үүнээс гадна TBEA компанид цахилгаан станцын өргөтгөл барих гэж оролдсон ажлын ганцхан туршлага би. Тэр нь Киргиз улсад хийгдсэн ч араасаа айхтар том асуудал дагуулсан байдаг. Мөн л хамгийн өндөр өртгөөр тендерт шалгарсан ч авлигийн асуудал нь сөхөгдөж яг тэр хэргээр Киргизийн Ерөнхий сайд шоронд орсон түүхтэй. Асуудлын нөлөөлөл ийм учраас л эртхэн анхаарахыг төр засгийнханд захих гээд байгаа юм.

Харин дөнгөж бүрэлдсэн чуулган дээр УИХ-ын гишүүн Ш.Адъшаа энэ асуудлыг хөндсөнөөр хэвлэлийнхэн хэргийн учгийг хөөж эхэлсэн. Гишүүн Ш.Адъшаа “Монгол Улс гадны зээлээр эрчим хүчний өргөтгөл, шинэчлэлийн олон ажлыг санхүүжүүлж ирсэн. Гэвч сүүлийн үед нэг ижил ажлыг харилцан адилгүй санхүүжүүлж эхэлсэн нь судалгаанаас харагдаж байна. 2014 онд Н.Алтанхуягийн Засгийн газрын үед IIIцахилгаан станцын 50 МВТ-ын өргөтгөлийг 35 сая ам.доллараар санхүүжүүлж барьсан байдаг.

Гэтэл 2018-2019 онуудад эрдэнэтийн яг адаилхан 50 МВТ-ын хоёр цахилгаан станцыг 48, 51 сая ам.доллараар, Дорнодын цахилгаан станцын 50 МВТ-ын өргөтгөлийг 78 сая ам.доллараар санхүүжүүлж байна. Энэ бүх тоног төхөөрөмжийг хятад улсаас авчирж байгаа. Яг жижилхэн нэг станц 35 сая ам.доллар байснаа 50 сая бүр  78 сая ам.доллар болсон байна. Үүнийг их сэжиглэж байгаа. Үүнийг би цаашид байнга ярьж, араас нь хөөцөлдөх болно. Төсвийн тодотгол хэлэлцэх үеэр тууштай ажиллана” гэсэн юм. Адъшаа гишүүний авлигатай тэмцэх их үйлсэд амжилт хүсье. 


Адъшаа гишүүний авлигатай тэмцэх их үйлсэд амжилт хүсье
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414
ergelt.mn@gmail.com