Монгол Улсын Хөдөлмөрийн баатар, Төрийн соёрхолт, Ардын уран зохиолч, Соёлын гавьяат зүтгэлтэн, Зууны манлай сэтгүүлч, зохиолч, соён гэгээрүүлэгч Л.Түдэв агсны мэндэлсний 86 жилийн ой эл өдөр тохиож буй. Уг ойг тохиолдуулан МЗХ-ноос нэрт зохиолчийн дурсгалын хөшөөг холбооны байрандаа залах ёслолыг зохион байгууллаа.

       Нэрт зохиолчийн дурсгалын хөшөөг залах, хүндэтгэл үзүүлэх ёслолын үйл ажиллагаанд Монголын хувьсгалт залуучуудын эвлэлийн гүйцэтгэх захирал С.Батмягмар, МСНЭ-ийн Ерөнхийлөгчийн үүрэг гүйцэтгэгч З.Боргилмаа, МЗЭ-ийн Бодлого зохицуулалтын албаны дарга Н.Пүрэв нар оролцсон юм.

      Л.Түдэв гуай 1975-1984 онд Монголын Залуучуудын байгууллагын даргаар ажиллаж байсан бөгөөд өдгөө тус байгууллагаас түүний бүхий л зохиол, бүтээлийг цахимжуулах аяныг эхлүүлж,  МЗХ-нд “Түдэв” нэрээр Залуучуудын хөгжлийн тэнхим үйл ажиллагаа явуулж эхэлжээ.