• Өнөөдөр 2024-03-29

Нэрт зохиолч Л.Түдэв агсан мэндэлсний 86 жилийн ой өнөөдөр тохиож байна

2021-02-09,   874

       Монгол Улсын Хөдөлмөрийн баатар, Төрийн соёрхолт, Ардын уран зохиолч, Соёлын гавьяат зүтгэлтэн, Зууны манлай сэтгүүлч, зохиолч, соён гэгээрүүлэгч Л.Түдэв 1935 оны эл өдөр Говь-Алтай аймгийн Наран сум буюу өнөөгийн Халиун сумын Өвөр замын бууц хэмээх газар мэндэлжээ. Тэрээр 1942-1950 онуудад Говь-Алтай аймгийн Есөнбулаг сумын дунд сургуулийг дүүргэж, 1950-1954 онд Улаанбаатар хотод багш бэлтгэх сургуульд суралцан, 1953-1956 онд УБДС, 1964-1967 онд хойд хөршийн нийслэл Москва хотод ЗХУКН-ын Төв хорооны дэргэдэх Нийгмийн ухааны академийг тус тус дүүргэсэн байна. Нэрт зохиолчийн зохиол, бүтээлийг 10 гаруй хэл дээр хөрвүүлэн, олон улсад хүргэсэн байдаг билээ.

      Л.Түдэв агсны мэндэлсний 86 жилийн ойг тохиолдуулан МЗХ-ноос нэрт зохиолчийн дурсгалын хөшөөг холбооны байрандаа залах ёслолыг зохион байгуулж, хүндэтгэл үзүүлжээ. Л.Түдэв гуай 1975-1984 онуудад Монголын Залуучуудын байгууллагын даргаар ажиллаж байсан бөгөөд өдгөө тус холбооноос түүний бүхий л зохиол бүтээлийг цахимжуулах аяныг эхлүүлж байгаа гэнэ.


Нэрт зохиолч Л.Түдэв агсан мэндэлсний 86 жилийн ой өнөөдөр тохиож байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188