• Өнөөдөр 2025-02-07

С.БАЯРЖАРГАЛ: “Болор цом” наадмын тов гараагүй, онлайнаар зохион байгуулахгүй

2021-02-01,   683

       Утга зохиол, яруу найрагт дуртай хүмүүсээр хязгаарлагдахгүй монгол түмний хүсэн хүлээдэг “Болор цом” яруу найргийн наадам энэ жил 38 дахь удаагаа уламжлал болгон зохион байгуулагдах учиртай. Тэгвэл тус наадамд оролцох яруу найрагчдын шүлгийг өнгөрсөн оны арванхоёрдугаар сарын 15-29-ны хооронд хүлээн авч дуусжээ. Гэвч дэлхий даяар тархаж, аюулын хүрээгээ тэлж буй коронавирусийн халдварын улмаас тус наадам тодорхойгүй хугацаагаар хойшлогдоод байна.

       Цар тахалтай холбоотойгоор “Болор цом” яруу найргийн наадмыг цуцлах, аль эсвэл онлайнаар зохион байгуулах эсэх талаар МЗЭ-ийн Яруу найргийн үндэсний төвийн тэргүүн, “Болор цом”-ын эзэн, яруу найрагч С.Баяржаргалаас тодруулахад

“38 дахь удаагаа уламжлал болгон зохион байгуулах гэж буй энэ жилийн “Болор цом” яруу найргийн наадамд 100 гаруй яруу найрагчийн бүтээл ирсэн. Хэдий коронавирусийн халдварын улмаас хойшлогдоод байгаа боловч онлайнаар зохион байгуулах ямар нэгэн санаа байхгүй. Зохион байгуулбал Улаанбаатар хотод яруу найрагчид тайзан дээр гарч уншдагаараа уншихаар “Болор цом” наадмыг зохион байгуулна”

хэмээсэн юм.

 


С.БАЯРЖАРГАЛ: “Болор цом” наадмын тов гараагүй, онлайнаар зохион байгуулахгүй
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.