Утга, уран зохиол уншигчдыг соён гэгээрүүлж, төлөвшүүлэхээс гадна тэдний хүсэл сонирхлыг хангах, сэтгэлгээний цар хүрээнд нөлөөлж, зарим талаараа бүхий л төрлийн хүмүүсийн гаж хүслийг хангаж байх үүрэгтэй гэлцэнэ. Гэвч миний дээр хэлсэнчлэн зохиолууд дотроо утга болон уран хэмээн ялгарч буй орчин үеийн утга зохиолын цаг үед бид оршиж байна.

           Өөрийн чадахаараа сонгосон доорх 10 ном уншигч танд утгын, уран бүхий л сайхан зүйлсийг бэлэглэх болов уу. Энэ онд нээлтээ хийх дэлхийн шилдэг 10 номыг танилцуулж байна.

1.Нобелийн шагналт зохиолч Казүо Ишигүро “Клара ба нар”

       2017 онд зохиолч Казүо Ишигүрог Нобелийн шагнал хүртэхэд шүүгчид түүний номуудыг “Хүний хуурмаг мэдрэмж доторх жинхэнэ үнэнийг нээсэн” хэмээсэн юм. Үнэн гээч нь яг юу болохыг ойлгохын тулд энэ номыг унших ёстой. Уг ном одоогоор уншигчдын дунд хамгийн их хүлээлт үүсгэж буй томоохон романуудын нэг юм.

        2. Америкийн зохиолч Нэнси Жонсо “Хамгийн сайхан худал үгс”

       Арьс өнгөөр ялгаварлан гадуурхах, ядуурал зэргээс үүдсэн хамгийн гунигтай зохиолуудын нэг гэнэ. Нэнси Жонсон нь зохиолч гэхээсээ илүүтэй зайрмаг үлйдвэрлэж, Америк орон даяар өөрийн нэрээ үлдээсэн нэгэн юм. Уг ном нь 1800-гаад онд бичигдсэн ч өнөөг хүртэл нэг ч удаа хэвлэгдэж байгаагүй аж.

        3. Канадын зохиолч Эшли Аудрин “Түлхэлт”

       Блайт хэмээх нэгэн охины төрсөн эхтэйгээ үл ойлголцох, маргаантай байсан амьдрал нь үгүй болж, нэгэн өдөр ээж, охин хоёр итгэмээргүй дотно болно. Тэдний харилцаа дотносож, гүнзгийрэх бүрд этгээд, хачин, эмгэнэлтэй явдлууд тохиолдох аж. Зохиолчийн зүгээс уг зохиолоо “Маш сайн триллер ном гарах болно” хэмээжээ.

4.Америкийн зохиолч, сэтгүүлч Лиз Шумер “Биеийн намтар”

       Эмэгтэй хүний амьдралын саад, бэрхшээл, ирж болох дарамт, хүчирхийлэл зэргийг өгүүлсэн ном юм. Номонд шүлэг, өгүүллэг, эсээ зэрэг утга зохиолын төрлүүд багтсан байна.

5. Камерон Улсын зохиолч Имболо Мүэ “Бид хэчнээн үзэсгэлэнтэй байлаа даа”

       Капитализм, колончлолын хор уршиг хүн төрөлхтөнд ямар муухайгаар нөлөөлснийг харуулсан уг бүтээлийг Америк, Камерон гаралтай зохиолч бичсэн. Энэ номыг өдгөө олон улсын уншигчид хоног тоолон хүлээж буй юм.

6. Америкийн зохиолч, яруу найрагч Патрисиа  Локвүүд “Энэ талаар хэн ч ярихгүй”

       Техник, технологийн эрин үед олон нийтийн мэдээллийн хэрэгслээр цацагдах олон сая мэдээлэл хаанаас гарч, хаа хүрдэг талаар бичсэн зохиол юм.

7. Америкийн зохиолч Лийса Смит  “Зүгээр болоход ийм л ойрхон”

       Өнгөрсөн амьдралаа мартдаггүй, өнгөрсөндөө амьдарч явдаг нэгнээ үл таних хоёр хүн танилцсанаар өнгөрсөн нь хэрхэн ирээдүй болж болох талаар өгүүлэх гэнэ.

8. Солонгосын зохиолч Чан Рей Ли “Гадаах ертөнцийн он, жилүүд”

        Солонгосын нэгэн дунд сургуулийн хүү гадаад орнуудыг судлахаар цор ганцаараа аялалд гарах адал явдалт роман юм. Гол дүр аяллынхаа туршид инээмсэглэл болоод нулимс гэх зүйлийн мөн чанарыг таних ажээ.

9. Америкийн зохиолч Брэндон Хобсон “Хаягдсан нь”

        Магадгүй хорвоо ертөнцөд байж болох хамгийн аз жаргалтай гэр бүлийн бага хүү Рэйг цагдаа нар санамсаргүй байдлаар буудан хөнөөснөөр аз жаргалтай гэр бүлийн аз жаргалгүй, гунигтай түүх үргэлжилнэ.

10. Барбадосын дуучин Чери Жонес “Ганц гартай эгч минь гэрээ хэрхэн шүүрддэг бол”

        Эд баялаг хийгээд ядуу амьдралын зовлон зүдгүүр нь хоорондоо хэчнээн адил төстэй болохыг дуучин Чери Жонес уг романаараа харуулахыг хүссэн гэнэ.