• Өнөөдөр 2022-05-19

Зураач О.ЗОЛБООТӨГӨЛДӨРийн нэрлэх шилдэг 10 уран бүтээлч

2021-08-19,   363

Энэ удаагийн “Оюунт Монгол” буланд маань зураач О.Золбоотөгөлдөр оролцлоо. Тэрбээр “Moon Tales”, “Бодлын өнгө”, “Process”, “Зүүд, зөн совингийн бэлгэдэл” зэрэг үзэсгэлэн нээж, үзэгчдийн хүртээл болгосон. Харин энэ удаад зохиолч, яруу найрагч Э.Бүжинлхамтай хамтарч, “Сүнс урлал” нэртэй уран зураг, яруу найргийн хамтарсан үзэсгэлэн дэлгээд байгаа юм. Зураач О.Золбоотөгөлдөр өөрийн мэдэх шилдэг 10 уран бүтээлчээ нэрлэлээ.

1.Зураач ЖАНДА ЗДЕНЕК

Пранц Кафкагийн нэрэмжит шагналт уран бүтээлч зураач Жанда Зденек. Аливаа утга санааг маш сайн ёгтолж, далд утга агуулж, миниатур нарийн ажиллагаатай зурдаг. Ёгтлолын жишээг маш сайн үзүүлдэг уран бүтээлч.

 

2.Зохиолч ГАБРИЕЛЬ ГАРСИА МАРКЕС

Нобелийн шагналт зохиолч Габриел Гарсиа Маркес. Маркесын шидэтреалист зохиолууд нь оюун санаандаа ямар ч хязгаар тавих хэрэггүйг ойлгуулдаг.

 

3.Зохиолч ХОРХЕ ЛУИС БОРХЕС

Аргентины сюрреалист зохиолч Хорхе Луис Борхес. Түүний бүтээлүүд маш шидлэг өнгө аястай ч Борхес гайхалтай буйр суурьтайгаар тууль мэтээр бичсэн байдаг.

 

4.Зохиолч, яруу найрагч Э.БҮЖИНЛХАМ

Зохиолч, яруу найрагч Э.Бүжинлхамын “Намрыг мартагсад”, “Ариан”, “Сүнс урлал” зохиол, яруу найргийн бүтээлүүд нь миний ерөнхий уран бүтээлийн концепцуудтай маш сайн нийцдэг. Бүдэг байгаа мэдрэмжийг илүү тодотгож, гэрэлтүүлж өгдөг.

 

5.Зохиолч МИХАИЛ БУЛГАКОВ

Михаил Булгаковыг зохиолуудаа бичихдээ кокайн, морфин зэрэг мансууруулах бодист донтсон байхдаа гэж бичсэн гэж ярьдаг. Түүний бүтээлүүд хүний боломжит, бодит сэтгэхүйгээс давсан санагддаг.

 

6.Зураач СОЕЙ МИЛК

Солонгос гаралтай Амеркийн залуу зураач бүсгүй Соей Милк. Соей Милк реализм болон хийсвэрлэл хоёрыг маш сайн нийцүүлж, ажилладаг. Түүний бүтээл, ажиллагааны нийцэл маш сайхан санагддаг.

 

7.Зураач САНДРО БОТТИЧЕЛЛИ

Зураач Боттичеллигийн зургуудад маш даруухан хэрнээ уянга, яруу байдлын илэрхийлэмж өндөр байдаг.

 

8.Зураач ЛУИС ГАБРИЭЛЬ ПАЧЕКО

Луис Габриэль Пачеко нь Испани гаралтай номын чимэглэл зураач. Иллюстрэшн хийх арга барил болон утга санааны хувьд гүн санагддаг.

 

9.Зохиолч ЮВАЛЬ НОЙ ХАРАРИ

Харари дэлхийн өнгөрсөн болон одоо ирээдүйн түүхийг маш ойлгомжтойгоор харж чаддаг зохиолч. Хүний ухамсрын талаар хөндсөн нь таатай өгөөжтэй. “Хомо сапиенс”, “Хомо дюс”, “21 дүгээр зууны 21-н хичээл” ном нь маш том цогц ойлголт өгдөг.

 

10.Контемпорари артист ТРЕЙСИ ЭМИН

Английн контемпорари артист Трейси Эмин. Маш чөлөөтэй нэгэн. Нэг талаараа эмэгтэй хүний шаналал зовлонг эрээ цээргүй үзүүлж байгаа мэт боловч нөгөө талаараа үнэн гэдэг зүйлийг урлагт чандлан барьдаг уран бүтээлч.

 


Зураач О.ЗОЛБООТӨГӨЛДӨРийн нэрлэх шилдэг 10 уран бүтээлч
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188