Дэлхийн томоохон эмийн үйлдвэрүүд коронавирусийн эсрэг арга хэмжээ авсан ч төдий л үр дүнгээ өгөхгүй байгаа. Тэгвэл саяхнаас Нипах вирус зарим оронд тархаад буй.

Нидерландын эмийн үйлдвэрийн захирал Жаяасри К Айер “Хятадад гараад буй Нипах вирусийн тархалтын түвшин, нас баралт их байгаа нь дараагийн цар тахал байж мэднэ” гэв. Мөн энэхүү вирус нь эмэнд дарагдахгүй байх магадлалтай аж.

Нипах вирус нь 1999 онд Малайзын гахайн фермээс анх илэрсэн ба 1999 оноос хойш Малайзад ахин шинэ дэгдэлт бүртгэгдээгүй байна. Нипах вирус нь хүнээс хүнд, хүнээс амьтанд бохир хоол хүнс болон амьсгалын замаар дамждаг. Птероподидае төрлийн жимсээр хооллогч  сарьсан багваахайн төрөл Нипах вирус үүсгэдэг хэмээн ДЭМБ мэдээлжээ.

Нипах вирус нь олны дунд хэзээ ч дэгдэж магадгүй нь мэргэжилтнүүдийн санааг зовоож байна. Нипах нь амьсгалын замаар дамжин тархины үрэвсэл, тархины хавдар үүсгэдэг бөгөөд нас баралт 45-70 хувьтай байна. Уг вирусийг ДЭМБ-аас гаргасан эрсдэлтэй 16 өвчний нэгээр нэрлэсэн бөгөөд одоогоор эмчлэх эм гаргаж аваагүй байна.

Хэвлэл мэдээллийн байгууллагууд ДЭМБ коронавирус цар тахал дэлхий нийтэд хор хөнөөл авчрах магадлалтайг анхааруулж байсан ч эмийн үйлдвэр төдийгүй нийгэмлэгүүд “Ковид-19” цар тахлын эсрэг ямар ч бэлтгэлгүй байсан гэдгийг сануулж байна.