Их Британи Улсаас гаднын оронд зорчих, гаднын орноос ирэх, зөрж өнгөрч буй бүх нислэгийг зогсоож байгаа талаар тус улсын Ерөнхий сайд Борис Жонсон мэдээллээ. Мөн аль ч улсаас зорчиж ирэх иргэн шинжилгээ өгч, сөрөг гарсан хариутай байх шаардлагатай бөгөөд 10 хоногийн тусгаарлах журмыг баталсан аж. Уг журам нь ирэх сарын 15 хүртэл үргэлжлэх гэнэ.

        Тус улсад коронавирусийн шинэ мутаци илэрснээс хойш хоёр удаа бүх нийтийн хөл хорио тогтоосон билээ. Гэсэн ч Их Британид 3.3 сая гаруй хүн коронавирусийн халдвар авч, 89 мянга гаруй хүн нас баржээ. Мөн халдварын тоо нэг өдөрт 38 мянгаар нэмэгдсэн нь тус улсын эрх баригчдын толгойны “өвчин” болоод байна.