ХБНАБУ-ын Нирмал Пуржа тэргүүтэй 10 уулчин Хятад, Пакистаны хилд байрлах дэлхийд өндрөөрөө хоёрт жагсдаг К2 уулын оргилд гарч, түүхэн амжилт тогтоожээ. Тухайлбал, уулчид орон нутгийн 17:00 цагийн орчим К2 уулын оргил буюу далайн түвшнээс дээш 8611 метрийн өндөрт гарсан байна. Анх К2 уулын оргил руу дөрвөн багийн нийт 60 уулчин хөдөлсөн ч бусад уулчдад асуудал тулгарч, нутаг буцсан бөгөөд зөвхөн Пуржагийн баг оргилд нь хүрсэн байна. Гэвч тэднийг уулнаас бууж байхад асуудал гарч, багийн нэг гишүүн уулнаас унаж, амиа алджээ.

      Эрт дээр үеэс “Зэрлэг уул” хэмээн нэрлэгддэг уг ууланд авирах анхны оролдлогыг хийсэн АНУ-ын ууланд авирагч Жорж Белл 1953 онд уул руу авирах оролдлого хийснийхээ дараа “Энэ бол хүнийг хөнөөхийг хүсдэг аймшигтай уул” хэмээсэн байдаг. Уг уулыг бусад уулнаас илүү аюултай болгодог зүйл нь их хэмжээний цасан нуранги юм. Хамгийн сүүлд 2008 онд К2 уул руу авирсан 11 уулчин бүгд цасан нурангид даруулж, амиа алдсан эмгэнэлт явдал болж байжээ.