Ирэх лхагва гарагт АНУ-ын шинэ төрийн тэргүүн Жо Байдены тангараг өргөх ёслолыг зохион байгуулах үеэр зэвсэгт жагсаал өрнөж болзошгүй хэмээн үзсэн тул үндэсний гвардын 10 мянган цэрэг Капитолын аюулгүй байдлыг ханган ажиллаж буй. Холбооны мөрдөх товчооноос “Ирэх лхагва гарагт АНУ-ын 50 хотод зэвсэгт жагсаал өрнөж болзошгүй” хэмээсэн учир зөвхөн Капитолд бус, Холбооны мөрдөх товчооноос мэдээлсэн 50 хотын аюулгүй байдлыг хангах төлөвлөгөө боловсруулж байгаа гэнэ.

     Жо Байдены аюулгүй байдлыг бүрэн дүүрэн хангах бэлтгэл ажлын хүрээнд шинэ Ерөнхийлөгчийн тангараг өргөх ёслолыг хоёр өдрөөр хойшлуулсан. Ирэх лхагва гарагт тангараг өргөх ёслолын үеэр АНУ-ын нийслэл Вашингтон хотод хэсэгчлэн хөл хорио тогтоож, үндэсний гвардын 20 мянган цэрэг ажиллах аж.