Өнгөрсөн лхагва гарагт Бельги Улсын Брюссель хотод гарсан бослогод оролцсон 100 гаруй хүнийг цагдаагийн алба хаагчид баривчилжээ. Тус хотын цагдаа нарт баривчлагдсан өнгөт арьст залуу учир битүүлгээр амиа алдсанд олон нийт дургүйцэж, уг хэрэгт цагдаа нарыг буруутгаж, арьс өнгөөр ялгаварлаж, биед нь халдаж, амийг нь хөнөөсөн хэмээн үзэж байгаа юм.

       Улмаар арьс өнгөөр ялгаварлан гадуурхах үзлийн эсрэг цугласан олон зуун иргэд тус хотын Лийдцын талбайд цуглаж, цагдаа нартай мөргөлджээ. Цагдаа нар бослого гаргагчдын эсрэг усан буу ашиглаж, бослогод оролцсон 100 гаруй хүнийг баривчилжээ.