Онцгой байдлын ерөнхий газрын дэд дарга, хурандаа Б.Ууганбаяр өнөөдөр мэдээлэл хийлээ. Тэрбээр “Өнөөдрийн байдлаар улсын хэмжээнд 31 тусгаарлах байранд  1602 хүн тусгаарлан ажиглагдаж байгаа. Нийслэлийн хэмжээнд 27 тусгаарлах байранд 1524 иргэн байна. Орон нутагт дөрвөн тусгаарлах байр бий. Үүнд 45 иргэнийг тусгаарлан ажиглагдаж байна. Сүүлийн 24 цагийн хугацаанд улсын хэмжээнд 33 иргэн нэмж тусгаарлагдсан. 53 иргэнд шилжүүлэн тусгаарлах арга хэмжээ авсан. ХӨСҮТ-ийн зөвлөмжийн дагуу ХӨСҮТ рүү, эсвэл ХӨСҮТ-ээс дараагийн тусгаарлах байр руу шилжүүлэх арга хэмжээг зохион байгуулж байна. Гэрийн ажиглалтад 301 иргэн шилжсэн. Тусгаарлах байранд онцгой байдлын байгууллагын 47, цагдаагийн байгууллагын 95 алба хаагч, эрүүл мэндийн байгууллагын 95 албан хаагч, 237 төрийн албан хаагч үүрэг гүйцэтгэж  байна. Өнөөдрийг хүртэл 510 иргэнийг гэрийн ажиглалтад шилжүүлсэн. Сүүлийн 72 цагийн байдлаар 338 иргэн гэрийн ажиглалтад шилжсэн” гэлээ.