БНХАУ-ын удирдагч, Коммунист намын Төв хорооны ерөнхий нарийн бичгийн дарга Ши Жиньпин Хятадын зэвсэгт хүчнийхэнд өгсөн шинэ оны анхны тушаалдаа “Цэрэг хүчний чадавхыг өндөржүүлж, дайнд бэлэн бай” хэмээжээ. Түүний энэхүү мэдэгдэл олон улсын анхаарлыг татаж байна. Жилийн өмнө “Хямралыг зохицуулж, дайныг зогсоох” уриатай байсан Ши Жиньпиний шинэ оны анхны тушаал эсрэгээрээ эргэсэн нь араасаа олон асуудлыг дагуулах эрсдэлтэй байгааг шинжээчид онцоллоо.

       Одоогоор Хятадын ардын чөлөөлөх армийн 82 цэргийн анги, Чинхай-Төвөдийн чөлөөлөх армийн 76 цэргийн анги дайнд бэлтгэж, сургуулилтаа эхэлсэн талаар эх сурвалжууд мэдээлжээ.