Коронавирусийн тархалт нэмэгдэж, вирусийн шинэ мутаци дэлгэрсэнтэй холбогдуулан Их Британи болон Шотландад хатуу хөл хорио тогтоожээ. Ирэх лхагва гарагаас мөрдөгдөх хөл хорионы талаар Их Британы Ерөнхий сайд Борис Жонсон “Ирэх хоногуудад коронавирусийн тархалт ихсэх төлөвтэй байна. Зөвшөөрсөн шалтгаанаас бусад тохиолдолд өөрийн болон бусдын аюулгүй байдлын төлөө гэртээ байгаарай. Хэдий хөл хорио ирэх лхагва гарагаас эхлэх ч гэсэн өнөөдрөөс ч болтугай та бүхнийг хариуцлагатай хандахыг хүсэж байна. Сүүлийн үед эмнэлгүүдийн ачаалал ихсэж, албаны байгууллагууд дарамт, шахалтад өртөх боллоо. Иймд иргэд өөрсдийн хараа хяналтыг гэртээ тогтоох ёстой. Оюутан, сурагчдыг алсын зайнаас хичээллэх боломжийг бүрдүүлэх болно” хэмээсэн юм.

       Харин Шотланд Улсад тэргүүн сайд Никола Стержоны захирамжаар өнгөрсөн даваа гарагаас хөл хорио тогтоосон билээ. Цаг үеийн байдлаас үзэхэд тус хоёр улсын хөл хорио ирэх сар хүртэл үргэлжлэх төлөвтэй байна.