Франц Улсын хувийн хэвшлийн нисдэг тэрэг Альфийн нуруу орчимд осолдсон тухай албаныхан мэдээллээ. Тодруулбал, нисдэг тэрэгт нисгэгч, эргүүлийн оператор, аврах ажилтан зэрэг зургаан хүнээс бүрдсэн аврах ажиллагааны баг Бонвиллард хотод даалгавар гүйцэтгэж, бэлтгэлийн бааз руугаа буцаж байх үед уг хэрэг гарсан байна. Нисдэг тэрэг 1800 орчим метрийн өндрөөс унасан бөгөөд амьд үлдсэн нэг нисгэгч орон нутгийн цагаар 19:10 цагт тусламжийн дохио илгээсэн тухай албаныхан мэдээлсэн юм.

       Альфийн нурууны Савойя бүсэд нисдэг тэрэг осолдсон газрын байршил болон цаг агаарын нөхцөл байдлын улмаас ажиллагаа явуулж чадахгүй байгаа бөгөөд одоогоор амьд үлдсэн нисгэгчийг явган аврагчид аварсан талаар мэдээлэв. Нисдэг тэрэг осолдох болсон шалтгааныг холбогдох байгууллагынхан үргэлжлүүлэн шалгаж байгаа юм.

      Тус улсын ерөнхийлөгч Эммануэль Макрон амиа алдсан аврах багийн гишүүдийн талаар Твиттер хуудсаараа дамжуулан “Тэд бол Францын супер баатрууд” хэмээн бичжээ. Уг эмгэнэлт явдалтай холбогдуулан дотоод хэргийн сайд Гералд Дарманин осол болсон газарт очно хэмээсэн юм.