Америкийн үндэсний бейсболлын лигийн шүүгч Брайан О’Нора хүний наймааны хэрэгт сэжиглэгдэн баривчлагджээ. Тодруулбал, О’Нораг Охайо мужийн Янгстауны зочид буудлаас өнгөрсөн ням гарагт баривчилсан байна. Түүнийг “Цахим сүлжээг ашиглан үйлчлүүлэгчээ олж, эмэгтэйчүүдийг хүчээр биеийг нь үнэлүүлдэг” талаар нь баттай эх сурвалж цагдаагийн байгууллагад мэдээлсэн аж. Мэдээлэгчийн аюулгүй байдлыг хамгаалах үүднээс албаныхан мэдээлэгчийн хувийн мэдээллийг нууцалсан юм.

       Өдгөө 57 настай О’Нора болон түүний хамтран ажилладаг гэх 13 этгээдийг баривчилсан аж. Либерти хотын цагдаагийн газрын дарга Тоби Мелоро тэднийг авилгын хэрэг, гуравдугаар зэргийн хүндэвтэр гэмт хэрэг, эрүүгийн хэрэг, эрүүгийн хэрэгслийн хэрэг, нэгдүгээр зэрэглэлийн гэмт хэрэгт сэжиглэж байгаа талаар мэдээлэв.