Энэтхэгийн ЗГ-аас зах зээлээ шинэчлэхээр боловсруулсан шинэ хуулийг тариаланчид эсэргүүцэн улс даяар ажил хаяхыг уриалжээ. Зах зээлийн шинэчлэл буюу “Манди систем” нь иргэдийн хүнсний бүтээгдэхүүний хэрэглээг төрөөс хянаж, зөвхөн томоохон албан байгууллага, аж ахуйн нэгжүүдэд тариалангийн талбайг түрээсэлж, үр тариа зарах гэнэ. “Манди систем” батлагдахаас өмнө тариаланчид ЗГ-ын тогтоосон үнээр хүнс ногоогоо худалдаалдаг байсан бөгөөд “Шинэ системийн ачаар ядахдаа л өөрсдийн үнийг тогтоож худалдаалах боломжтой боллоо” хэмээн эрх баригчид хэлжээ.

       Харин тариаланчдын зүгээс тогтоосон үнийн хязгаар үгүй болсон ч, тариалангийн талбай, үр тарианы хомстлоос болон тариалангийн аж ахуйгаар амьдардаг мянга мянган иргэнээ ажил, амьдралгүй болгож байгаад шүүмжлэлтэй байна. Уг ухуулгын гол удирдагчдын нэг Гурнам Сингх Чаруни “Бид том зах зээлд итгэдэггүй. Чөлөөт зах зээл бол улс орны хөгжлийн нэг хэсэг юм шүү дээ” хэмээн BBC агентлагт ярилцлага өгчээ.

       Тариаланчдын ажил хаях уриалгыг сөрөг хүчний 15 гаруй намынхан дэмжин оролцож, улс даяарх ажилт хаялт зарласан билээ. Харин Энэтхэгийн ЗГ-аас ирэх пүрэв гарагт тариаланчидтай хэлэлцээ хийхээр төлөвлөөд байна.