Сагсан бөмбөгийн амьд домог гэгддэг Жорданы 1984 онд гарын үсгээ зурсан “Чикаго Буллз” багийн 23 дугаартай өмсгөл 320 мянган ам.долларын үнэ хүрчээ. Энэ нь одоогоор дуудлага худалдаагаар зарагдсан өмсгөлүүдээс хамгийн өндөр хүрсэн өмсгөл болоод байна. Харин АНУ-ын Ерөнхийлөгч асан Барак Обамагийн “Пунахоу” сургуулийн сагсан бөмбөгийн багийн өмсгөл нь 192 мянган ам.доллар хүрч, ахлах сургуулийн өмсгөлүүдийн дээд амжилтыг тогтоосон юм.

       Өнгөрсөн жил Обамагийн нэгэн өмсгөл 120 мянган ам.доллараар үнэлэгдсэн билээ. Дуудлага худалдаагаар зарагдсан хамгийн өндөр үнийн амжилтыг өмнө нь мөн л Майкл Жорданы 23 дугаартай өмсгөл 288 мянган ам.доллар хүрснээрээ эзэмшдэг байсан юм. Харин өмсгөлийн худалдаанд Майкл Жордан,Колин Каперник, Барак Обама, Леброн Жеймс нарын өмсгөл тус төрөлдөө хамгийн их борлуулалттай байгаа аж.