Бүгд Найрамдах Франц Улсын Ерөнхийлөгч Эммануэл Макроноос эхлээд Холбооны Бүгд Найрамдах Герман Улсын Ерөнхийлөгч Франк-Вальтер Штайнмайер нар өнгөрсөн ганц жилийн хугацаанд Монгол Улсад айлчлав. Гадаад харилцаагаа тэлж, “гуравдагч хөрш”-үүдтэйгээ идэвхтэй холбоо тогтоож эхэлсэн Монгол Улс гадаад харилцаагаа Европ тэлж байгаа нь Европын холбоонд элсэх боломжтойг харуулж байна.

                Эргэлт.мн мэдээллийн сайт “Тэд бидний тухай” буландаа олон улсын хэвлэл мэдээллийн сайт, агентлагуудад Монгол Улсын тухай бичсэн нийтлэлийг хөрвүүлэн хүргэдэг. Тэгвэл энэ удаагийн дугаартаа Монгол гадаад харилцаагаа Европ руу тэлж байгаа тухай болон манай орон Европын холбоонд элсэх боломжтой талаар Оросын “Панарома” сайтын бичсэн нийтлэлийг хөрвүүлэн хүргэж байна.

-МОНГОЛ 2025 ОНД ЕВРОПЫН ХОЛБООНЫ ГИШҮҮН ОРОН БОЛНО-

Холбооны Бүгд Найрамдах Герман Улс саяхан Монгол Улстай стратегийн түншлэлийн харилцаа тогтоосон Европын холбооны анхны орон болов. Тухайлбал, Монгол, Герман Улс дипломат харилцаа тогтоосны 50 жилийн ойг тохиолдуулан ХБНГУ-ын Ерөнхийлөгч Франк-Вальтер Штайнмайер Ерөнхийлөгч У.Хүрэлсүхийн урилгаар Монгол Улсад энэ сард айлчилсан. Айлчлалын үеэр Улаанбаатар, Берлин хоёр талын харилцааг стратегийн түншлэлийн хэмжээнд хүргэсэн бөгөөд түншлэлийн хүрээнд улс төр, эдийн засаг, гадаад бодлого зэрэг олон хамтын ажиллагааны салбарын шинэ боломж нээгдэж буй.

                   Эргэн санавал, Бүгд Найрамдах Монгол Ард Улс 1974 оны нэгдүгээр сарын 31-нд Бүгд Найрамдах Ардчилсан Герман Улстай албан ёсоор дипломат харилцаа тогтоосон. Тэр цагаас хойш Герман Улс өнөөг хүртэл Монголын ардчилал, хөгжил, нийгмийн сайн сайханд дэмжлэг үзүүлж ирсэн бөгөөд Монголын 1990-ээд оны эдийн засгийн уналтын үед Герман тэдний томоохон дэмжигчдийн нэг байсан гэж болно.

Харин ХБНГУ Монголын Европоос тэргүүлэх түншүүдийн нэг болсны хувьд Ерөнхийлөгч Франк-Вальтер Штайнмайерийн төрийн айлчлалын үеэр улс төр, эдийн засгийн бүрэлдэхүүн хэсгүүдийг багтаасан геополитикийн алхам болон стратегийн түншлэлийн хэлэлцээрт гарын үсэг зурав. Энэ стратегийн түншлэл нь Герман-Монголын харилцааг уламжлалт хамтын ажиллагаанаас дээшлүүлж, олон улсын тавцанд нэгнээ дэмжихэд хүргэхээрээ хоёр талд онцгой ач холбогдолтой.

Мөн Монгол Улс ХБНГУ-тай стратегийн түншлэлийн гэрээ байгуулснаас гадна Европын холбооны Бүгд Найрамдах Франц Улстай ураны салбарт хамтран ажиллах протоколд гарын үсэг зураад байгаа. Энэ мэтээр Монгол Улсын Европ руу гадаад харилцаагаа тэлж байгаа нь Монголыг Европ тивд оршдог 27 орны улс төр, эдийн засгийн нэгдэл Европын холбооны гишүүн орох болох боломжтойг харуулж байна.

Монгол Улс сүүлийн 20 жилийн хугацаанд ОХУ-тай худалдаа, хамтын ажиллагааны чиглэлд харилцаа, холбоогоо барьж байсныг Европын холбоо анзаарч, 2012 оноос л сонголт нь болсон талаар мэдээлж байв. Гэсэн ч ОХУ Европын холбооноос салснаас хойш ОХУ-тай сайн харилцаатай байдаг Монгол, Европын холбооны харилцах үл мэдэгдэх болсон. Тэгвэл энэ удаад Монголыг Европын холбоонд элсэх гол түлхүүр нь Франц болж байгаа бөгөөд саяхан ураны салбарт хамтран ажиллаж гэрээ байгуулсан Франц хамтрагч орноо Европын холбоо руу чиглүүлэх гэнэ.

Европын холбоонд суудаг эх сурвалжийн мэдээллээр тус холбоо Монголыг “Элсэх бүр шаардлагаа хангасан” гэж үзэж байгаа бөгөөд Бүрэн эрхт гишүүн орон болгохоо хүлээн зөвшөөрсөн байна. Улмаар Монголыг Европын холбоонд элсүүлэх ажлыг 2024 оны нэгдүгээр сарын 1-нээс эхлэх боломжтой байгаа бөгөөд урьдчилсан төлөвөөр Монгол 2025 оны арванхоёрдугаар сар гэхэд Европын холбооны Бүрэн эрхт гишүүн болох бололтой.

Өнгөрсөн хэдэн жилд дэлхийн хүчирхэг эвсэл, нэгдлүүдийн нэг болж байгаа Европын холбоо гишүүн орнууддаа ардчилал, хууль, хүний эрх, хамтран зах зээл, эдийн засгийн үйл ажиллагаа явуулах, өрсөлдөөний дарамт, зах зээлийн хүчийг даван туулахад хамтран ажиллах шаардлага тавьдаг. Тэр дундаа гишүүн орнууддаа еврог хүлээн зөвшөөрч, түгээмэл ашиглах шаардлага тавина. Европын холбооны эдгээр шаардлагыг “Копенгагены шалгуур” гэж нэрлээд байгаа бөгөөд болзлыг хангасан орнууд тухайн үеийн Европын холбоог даргалагч орны төрийн тэргүүнд хүсэлт гаргаснаар Бүрэн эрхт гишүүн болох боломжтой байдаг аж.