Бээжинд болсон “Бүс ба зам”-ын дээд хэмжээний уулзалтын дараа БНХАУ-ын талаас Монголыг Евразийн аюулгүй байдлын эвсэлд элсүүлж, цаашлаад ШХАБ-д элсүүлэхийг дэмжиж буй байр сууриа илэрхийлсэн талаар “Intelligence Online” сайт мэдээлсэн. Тэгвэл ШХАБ-тай зэрэгцэн Монгол Европын холбооны Бүрэн эрхт гишүүн орон болох талаар Оросын хэвлэлүүд мэдээлээд эхэлжээ.

-БНХАУ МОНГОЛЫГ ЕВРАЗИЙН АЮУЛГҮЙ БАЙДЛЫН ЭВСЭЛД ОРУУЛЖ, ШХАБ-Д ЭЛСҮҮЛЭХ САНАЛ ТАВЬСАН ГЭВ-

Гуравхан сая гаруй хүн амтай ч Монгол Улс уул уурхайн эрдэст бүтээгдэхүүн, нүүрс, зэсээр баялаг. Тэр дундаа сүүлийн жилүүдэд цөмийн эрчим хүчдээ түлхүү анхаарах болсон Францтай ураны салбарт хамтран ажиллахаар болж байгаа нь Монголыг газрын ховор элемент, бүтээгдэхүүнээр хэр зэрэг баян болохыг харуулж байна. Тэгвэл Францтай ураны салбарт хамтран ажиллах протоколыг албажуулж, гарын үсэг зурсныхаа дараахан Монголын төрийн тэргүүн У.Хүрэлсүх БНХАУ-ын нийслэл Бээжин хотод болсон “Бүс ба зам” санаачилгын 10 жилийн ойд зориулсан дээд хэмжээний уулзалтад оролцсон нь тус улсад хэд хэдэн шинэ гарч, боломжууд нээж өгч байгаа бололтой.

“Бүс ба зам”-ын дээд хэмжээний уулзалтаар Монгол Улсын Ерөнхийлөгч У.Хүрэлсүх болон бусад албаны хүмүүс хэд хэдэн тал дээр идэвхтэй ажиллажээ. Түүний нэг нь ОХУ-ын Ерөнхийлөгч Владимир Путинтэй албан ёсны уулзалт зохион байгуулж, “Сибирийн хүч-2” байгалийн хийн хоолойн Монголын хэсгийг хурдасгах талаар ярилцахдаа тус улстай зарим бараа, бүтээгдэхүүнийг экспортын татвараас чөлөөлөх, хоёр орны худалдааны салбарын эрэлтийг нэмэх асуудалд санал нэгдэж, гэрээ ч байгуулаад амжиж. Ингэхдээ Монголын төрийн тэргүүн ОХУ-ын Ерөнхийлөгч Владимир Путиныг эх орондоо айлчлахыг урьсан бөгөөд барууны зарим хэвлэлийн мэдээлснээр В.Путин ирэх орныхоо айлчлалын товд хэдийнэ Монголыг оруулаад байгаа гэнэ.

                       Түүнчлэн Ерөнхийлөгч У.Хүрэлсүхийг эх орондоо буцсаны дараахан Монгол Улсын Ерөнхий сайд Л.Оюун-Эрдэнэ БНХАУ-д айлчилж, Хятадын Төрийн зөвлөлийн Ерөнхий сайд Ли Цянтай уулзаж, хэд хэдэн чухал асуудлыг хөндөж ярилцжээ. Уулзалтаар Ли Цян Монголыг Евразийн аюулгүй байдлын эвсэлд нэгтгэх шийдвэр гаргаснаа танилцуулсан бөгөөд цаашлаад Монголыг ШХАБ-д элсүүлэхийг дэмжих талаараа мэдэгдсэн байна. Монгол Улс сүүлийн 20 орчим жилийн турш ШХАБ-д элсэхийг зорьсон. Энэ хугацаанд ШХАБ-д Энэтхэг, Пакистан, Иран зэрэг орон Бүрэн эрхт гишүүнээр элсээд байсан ч Монголыг жил дараалан түдгэлзүүлж, ажиглагч орноор сонгож байв. Тэгвэл Оросоос Хятад руу чиглэх байгалийн хий хоолойн төслийн нэг томоохон хэсэг Монголын нутгаар дайрч өнгөрч байгаатай холбоотойгоор БНХАУ Монголд нааштай хандаж, 20 жил “мөрөөдсөн” ШХАБ-д нь Бүрэн эрхт гишүүн орноор элсүүлэхийг дэмжихээ илэрхийлээд байгаа аж.

ПАНОРАМА: МОНГОЛ 2025 ОН ГЭХЭД ЕВРОПЫН ХОЛБООНЫ ГИШҮҮН ОРОН БОЛНО

ШХАБ-ын сураг дуулдахтай зэрэгцэн Монгол Улсыг Европ тивд оршдог 27 орны эдийн засаг, улс төрийн нэгдэл Европын холбооны гишүүн орон болох талаар Оросын “Panorama” сайт мэдээлжээ.

                          Дээр дурдсанаар Монгол Улс сүүлийн 20 жилийн турш ШХАБ-д элсэхийг зорьж байгаа. Харин энэ хугацаанд ОХУ-тай худалдаа, хамтын ажиллагааны чиглэлд харилцаа, холбоогоо барьж байсныг Европын холбоо анзаарч, 2012 оноос л сонголт нь болсон талаар мэдээлж байв. Гэсэн ч ОХУ Европын холбооноос салснаас хойш ОХУ-тай сайн харилцаатай байдаг Монгол, Европын холбооны харилцах үл мэдэгдэх болсон. Тэгвэл энэ удаад Монголыг Европын холбоонд элсэх гол түлхүүр нь Франц болж байгаа бөгөөд саяхан ураны салбарт хамтран ажиллаж гэрээ байгуулсан Франц хамтрагч орноо Европын холбоо руу чиглүүлэх гэнэ.

Европын холбоонд суудаг эх сурвалжийн мэдээллээр тус холбоо Монголыг “Элсэх бүр шаардлагаа хангасан” гэж үзэж байгаа бөгөөд Бүрэн эрхт гишүүн орон болгохоо хүлээн зөвшөөрсөн байна. Улмаар Монголыг Европын холбоонд элсүүлэх ажлыг 2024 оны нэгдүгээр сарын 1-нээс эхлэх боломжтой байгаа бөгөөд урьдчилсан төлөвөөр Монгол 2025 оны арванхоёрдугаар сар гэхэд Европын холбооны Бүрэн эрхт гишүүн болох бололтой.

Өнгөрсөн хэдэн жилд дэлхийн хүчирхэг эвсэл, нэгдлүүдийн нэг болж байгаа Европын холбоо гишүүн орнууддаа ардчилал, хууль, хүний эрх, хамтран зах зээл, эдийн засгийн үйл ажиллагаа явуулах, өрсөлдөөний дарамт, зах зээлийн хүчийг даван туулахад хамтран ажиллах шаардлага тавьдаг. Тэр дундаа гишүүн орнууддаа еврог хүлээн зөвшөөрч, түгээмэл ашиглах шаардлага тавина. Европын холбооны эдгээр шаардлагыг “Копенгагены шалгуур” гэж нэрлээд байгаа бөгөөд болзлыг хангасан орнууд тухайн үеийн Европын холбоог даргалагч орны төрийн тэргүүнд хүсэлт гаргаснаар Бүрэн эрхт гишүүн болох боломжтой байдаг аж.