Европын холбооны гадаад хэргийн сайд нарын уулзалтаар “Навальныйг хорьсон явдалд ОХУ-ын эрх баригчдад хориг тавих тухай болон Мьянмар Улсад цэргийнхэн төрийн эрхийг булааж авсан явдалд хариу арга хэмжээ авах талаар хуралдаж, ОХУ-д хориг тавих саналыг дэмжлээ” хэмээн Европын холбооноос мэдээлжээ.

 Энэхүү хориг нь ОХУ-ын дөрвөн өндөр албан тушаалтанд хамаарах бөгөөд өнгөрсөн онд батлагдсан хүний эрхийн хуулийн дагуу ийнхүү шийдвэр гаргажээ.

Европын холбооны дипломатчид эрх мэдэлтнүүдийг онилсонд “ОХУ-д хатуу арга хэмжээ авна” хэмээн найдаж байсан хүмүүст хангалттай санагдахгүй байж мэднэ. Навальныйг дэмжигчид болон Европын хууль тогтоогчид Владимир Путинийг санхүүжүүлсэн олигархуудын хэргийг судлахыг шаардаж байгаа юм.

Харин Мьянмарт цэргийн хүчнийхэн төрийн эргэлт хийхэд авсан хориг арга хэмжээ хэвээр үлдээж, Европын холбоо тусламжийн гараа сунгахгүй байхаар шийдсэн байна.