АНУ-ын Виржиниа мужид цаазын ялыг халах тухай хуулийн төсөлд тус мужийн захирагч Ральф Нортэмд өчигдөр гарын үсэг зурж, баталсан байна. Улмаар Виржиниа муж АНУ-ын хууль тогтоох түвшинд цаазын ялыг халсан анхны муж улс болоод байгаа бөгөөд хамгийн дээд ялын түвшнээ бүх насаар нь хорих ял болгон өөрчилжээ.

Хэдий Виржиниа муж цаазын ялыг халсан боловч “The Washington Post” сонины мэдээлснээр АНУ-ын түүхэн дэх хамгийн олон хүн цаазаар авсан муж гэх муу нэр дагасаар байна хэмээжээ. Тус муж улс 1608 оноос хойш нийт 1400 гаруй хэрэгтнийг цаазаар авсан гэх тоон мэдээлэл байгаа юм.