БНСУ-ын парламентын сонгууль ирэх амралтын өдрүүдэд болно. Тэгвэл сонгуультай холбоотойгоор сонгуулийн санал хураах байранд хийсэн хяналт, шалгалтаар 40 гаруй тагнуулын камер илрүүлсэн талаар орон нутгийн телевиз мэдээлжээ. Үүнтэй холбогдуулан иргэдийн саналыг тагнаж, нөлөөлөх оролдлого зохион байгуулах гэж байсан гэх хэргээр 50-70 насны хоёр эрэгтэйг эрэн сурвалжилж байгаа юм байна.

Солонгосын парламентын сонгуулийн саналыг 3500 гаруй байранд хурааж авна. Харин санал хураах байрнаас тагнуулын камер илэрсэнтэй холбоотойгоор сонгуулийн товыг хойшилж ч болзошгүй асуудал яригдаж байгааг “Korea Times” сонин онцолжээ.