УЕПГ-аас цаг үеийн асуудлаар мэдээлэл хийж байна. Энэ үер яллагдагчаар татсан зарим эрх бүхий иргэдийн мэдээллийг өглөө. Тодруулбал, Эрүүл мэндийн яамны 26 ажилтныг эрх мэдэл, албан тушаалаа урвуулан ашигласан үндэслэлээр яллагдагчаар татсан байна. Тус яамны Төрийн захиргаа удирдлагын газрын Эрүүл мэндийн байгууллагын тусгай зөвшөөрөл хариуцсан албан тушаалтнууд албан тушаалын байдлаа урвуулан ашиглаж, иргэн болон аж ахуйн нэгж, хуулийн этгээдээс хахууль авсан нь тогтоогджээ. Энэ хэргийг Сүхбаатар дүүргийн Эрүүгийн хэргийн анхан шатны шүүхэд шалгаж байгаа аж.