Х.Бат-Ялалтад холбогдох хэргийн шүүх хуралдаан Нийслэлийн Эрүүгийн хэргийн давж заалдах шатны шүүхэд өнөөдөр боллоо. Давж заалдах шатны шүүхээс Х.Бат-Ялалт ногдуулсан торгуулийн ялыг хүчингүй болгож, хэргийг шүүх хуралдаанаар дахин хэлэлцүүлэхээр тухайн шүүхэд буцааж шийдвэрлэсэн байна. Хэргийн эргэн сануулбал, Х.Бат-Ялалтыг 2016 оны УИХ-ын  ээлжит сонгуулийн өмнө  Л.Эрдэнэчимэгийг дарамталж, 50 сая төгрөг авсан гэх  хэрэгт яллагдагчаар татаж, хэргийг шүүхэд шилжүүлсэн юм. Тухайн үед Х.Бат-Ялалт “Иргэдийн шударга шүүх” ТББ-ын тэргүүнээр ажиллаж байсан юм. Анхан шатны шүүхээс Х.Бат-Ялалтыг бусдын эд хөрөнгийг авахаар далайлган сүрдүүлсэн гэж үзэн, хөдөлмөрийн хөлсний доод хэмжээг 80 дахин нэмэгдүүлсэнтэй тэнцэх хэмжээний төгрөгөөр торгох торгуулийн ял оноосон юм.