• Өнөөдөр 2024-04-15

ХОХИРОГЧ А: ҮЕИЙНХЭНДЭЭ ЗОДУУЛЖ, ДЭЭРЭЛХҮҮЛСНЭЭСЭЭ ИЧЭЭД ХИЧЭЭЛДЭЭ ЯВЖ ЧАДАХГҮЙ БАЙГАА

2024-02-21,   6512

     -ХҮҮХЭД ЧИНЬ АРААТАН БОЛЧИХООД БАЙГААГ МЭДЭЖ БАЙНА УУ, ЭЦЭГ, ЭХЧҮҮД ЭЭ-

     Хүүхдийнхээ ааш занг анзаарч, хэнтэй, юу хийж явааг нь эелдэгээр асууж, ярилцаж байхгүй бол хүүхэд тань араатан шиг авиртай болчихсон байж мэднэ шүү, эцэг, эхчүүд ээ. Ялангуяа өсвөр насны хүүхдүүд нэгнийгээ зодож, яргалж, тамлаж байна. Бүүр цаашлаад, охид нэгнийгээ танихын аргагүй болтол нь балбаж, цус нөжтэй нь хольж, алахаас наагуур болсон байгааг цахим орчинд цацагдсан сүүлийн зураг, бичлэгээс эцэг, эхчүүд сургамж, авч хүүхдийнхээ хүмүүжилд анхаарах цаг нэгэнт болжээ.   

    Сургуулийн орчинд болон хичээлийн бус цагаар өсвөр насны хүүхдүүд нэгнийгээ дээрэлхэж, зоддог олон жишээ цахим сүлжээнд бий. Үе тэнгийн дарамт нь ихэвчлэн нэгнийгээ бүлэглэн зодох хандлагатай байдаг. Дарамтад өртөж зодуулсан хүүхэд эцэг, эхдээ, ангийн багшдаа, асран хамгаалагчдаа юу ч хэлж чаддаггүй хэргийг хүндрүүлж, даамжруулдаг гэх. Хэрэв  тэд багш, эцэг, эхдээ хэн нэгэнд зодуулсан талаараа хэлэх юм бол тухайн хүүхэд бусаддаа муухай санагдах вий, аймхай болчих вий  гэж санаа нь зовдог учраас хэргийг нууцалсаар өөрсдөө хохирогч болж байгаа аж. Тиймээс л үе тэнгийн дарамт ихэвчлэн хаалганы цаана, томчуудын хараанаас далд өрнөж, чанад нууцлагддаг бололтой.  

    Үүний хамгийн сүүлийн жишээ нь, 12-17 насны зургаан охин 15 настай охиныг бүлэглэж зодсон, түүнийгээ бичлэгээр баримтжуулсан хэрэг гарлаа. Тодруулбал, хоёр хоногийн өмнө цахим сүлжээнд зургаан охин 15 настай С гэх охиныг алгадаж, толгойг нь дэвсэлж, нүүрийг нь маажиж, элдвээр хэлж байгаа бичлэг юм. Мөн үүнийхээ дараа тэд групп чат нээж, “Үгээ нийлүүлье. Цагдаагийн байгууллагад гомдолгүй гээд хэлчихээрэй. Бид сорвины тос авч өгнө. Хэрэв гомдолтой гэвэл бидэнд ч, чамд ч сайн юм болохгүй” зэргээр дарамталж, сүрдүүлсэн нь ил болоод байна. Уг хэргийн хохирогч охин зодуулж буй бичлэг, зургаа цахим сүлжээнд байршуулсанаар цагдаагийн байгууллагаас шалгаж эхлээд байна. 

ЦЕГ: ҮЕ ТЭНГИЙН ОХИД НЭГНИЙГЭЭ ЗОДСОН ХЭРГИЙГ ШАЛГАЖ БАЙНА

     Энэ хэргийн талаар Цагдаагийн ерөнхий газрын Хэвлэл мэдээллийн төвийн мэргэжилтнээс тодруулахад “Баянгол дүүргийн 10 дугаар хороонд байрлах нэгэн орон сууцны хотхоны дугаар тоотод хохирогч С охиныг үе тэнгийн 3-4 охин зодсон байж болзошгүй хэрэг хоёрдугаар сарын 8-нд гарсан байна. Цахим сүлжээнд цацагдсан зураг, бичлэгийн дагуу Баянгол дүүргийн цагдаагийн хоёрдугаар хэлтэс дээрх хэргийг шалгаж байна” гэсэн юм.   Хууль хяналтын байгууллагаас шалгалтын ажиллагаа явуулж, хэрэгт холбогдсон охидыг асран хамгаалагчтай нь дуудаж, мэдүүлэг авч эхэлжээ. Мөн хохирогч охины гэмтлийн зэргийг тогтоолгохоор шүүх шинжилгээний эмнэлэгт хандаад байгаа аж. Шалгалтын явцад урьдчилсан байдлаар охиныг бүлэглэж зодсон охид нийслэлийн ерөнхий боловсролын 78 дугаар сургуулийн 7-11 дүгээр ангид сурдаг болох нь тогтоогджээ. 

78 ДУГААР СУРГУУЛИЙН СУРГАЛТЫН МЕНЕЖЕР: МАНАЙ СУРГУУЛИЙН ХҮҮХДҮҮД ЗОДООН БОЛОХОД ХАМТ БАЙСАН НЬ ҮНЭН

       Иймд бид ерөнхий боловсролын 78 дугаар сургуулийн холбогдох албан тушаалтантай холбогдож, зохих мэдээллийг авсан юм. 

    78 дугаар сургуулийн Сургалтын менежер: Өсвөр насны охид нэгнийгээ дээрэлхэж, зодсон хэрэгт манай сургуулийн хүүхдүүд холбогдсон байна. Хохирогч охиныг дээрэлхэж, зодоогүй юм билээ. Харин хохирогч болсон байж болзошгүй байна. Өөрөөр хэлбэл, хохирогч охиныг зодсон гэрт манай хүүхдүүд байсан. Тэгээд хүүхдүүдийг салгах гэж байгаад өөрсдөө зодуулж, өртсөн байж болзошгүй. Энэ хэргийн талаар цагдаагийн байгууллагаас дэлгэрэнгүй шалгаж, манай сургуулийн нийгмийн ажилтнаас мэдээлэл авсан гэсэн. Өсвөр насны хүүхдүүд нэгнийгээ зодож, дээрэлхэх асуудал сүүлийн үед олон гарч байна. Тиймээс эцэг, эхчүүд хүүхдүүддээ анхаарч, хаан, юу хийж, хэнтэй нөхөрлөж байгааг нь мэдэж, харилцаа холбоотой байх хэрэгтэй. Сургуулийн зүгээс шаардлагатай арга хэмжээ авч ажиллаж байгаа” гэсэн юм. 

78 дугаар сургуулийн Нийгмийн ажилтан: Манай сургуулийн долдугаар ангийн хүүхдүүд нэгнийгээ зодсон хэрэгт холбогдсон байна лээ. Хэрэгт холбогдсон хүүхдүүдийн хоёр нь эрэгтэй, хоёр нь эмэгтэй байсан. Өсвөр насны охид хичээлийн бус цагаар буюу бусдыг зодсон Х гэх охины гэрт болсон гэсэн. Тухайн үед түүний эмээ гэртээ байсан ч тэдний зодооныг салгаж чадаагүй юм билээ” гэжээ.  

ХОХИРОГЧ А: СЭТГЭЛ ЗҮЙН ЗӨВЛӨГӨӨ АВАХ ХЭРЭГТЭЙ БАЙНА

Харин  хохирогч Б.А-тай холбогдоход дараах мэдээллийг өглөө. 

-Биеийн байдал нь зүгээр үү. Нөхцөл байдал ямар байна вэ?

      -Миний бие давгүй сайн байгаа. Өмнөхөө бодоход зовуурь нь багасаж байгаа. Зодуулсны маргааш бол хөдөлж чадахгүй, үнэхээр хүнд байсан. Өдөр ирэх тусам харьцангуй дээрдэж байна. 

-Хэрэг болдог өдөр та хэд юунаас болж муудалцсан бэ. Юунаас болж чамайг зодсон юм бэ?

      -Тухайн өдөр Х гэх охин намайг гэртээ дуудсан. Тэднийд очоод байхдаа би дотуур байранд хамт амьдардаг байсан Э гэх охинтой маргасан юм аа. Гэтэл Х гэх охин түүнийг өмөөрч, бусадтай нийлж намайг зодож, толгойгоор шал мөргүүлсэн. Би өмнө нь Х-тэй сайн найз байсан. Найзалж байхад  ч над руу дайрч, удаа дараа гар хүрч байсан. Ээж нь түүнийг нь мэддэг ч охиныхоо буруу үйлдэл хийж байгааг тоодоггүй. Намайг бүүр ээжийнхээ хажууд алгадаж байсан удаатай. 

-Хичээлдээ явж байгаа юу. Багш нар нь чамтай холбогдсон уу?

        -Багш нар надтай холбогдоогүй. Олон нийтийн сүлжээнд миний бусдад зодуулсан зураг, бичлэг цацагдсан учир үеийнхнээсээ ичээд хичээлдээ явж чадахгүй байгаа. Хүмүүс намайг юу гэж хэлэх бол гэхээс санаа зовж байгаа болохоор сургуулиасаа гардаг юм билүү гэж хүртэл бодож байгаа.

-Сэтгэл зүйчид хандсан уу?

        -Сэтгэл зүйчид хандаагүй. Сэтгэл зүйчээс хэрхэн, яаж зөвлөгөө авахаа мэдэхгүй байгаа. Уг нь сэтгэл засах зөвлөгөө, мэдээлэл авмаар байна.

-Гэрийнхэн нь мэдсэн үү?

       -Гэрийнхэн минь надад анхаарч байгаа ч тодорхой асуудал яриагүй. Тийм болохоор би шийдэлд хүрч чадахгүй байгаа. Надад ярилцах, тусламж авах зүйл олон бий. 

    Охины яриаг ажиглаж үзвэл тэр гэрийнхэнтэй ярилцаж чадаагүй байгаа гэнэ. Иймд эцэг, эхчүүд өсвөр насны хүүхдүүдтэй сайтар ярилцаж, ойлголцох хэрэгтэй гэдгийг ухаарах бэлхэн жишээ энэ болж байна. Хүүхдүүд зодолдсон, нэг рүүгээ халуун кофе цацсан, бүлэглэж танхайрсан, тархи, толгойг нь хагалж, тахир дутуу болгосон гээд өсвөр насны хүүхдүүдийн нүд халтирч, зүрх зүсэм хэргийн жишээ олон бий.

    Хайрлаж, нандигнаж, бусдаас харамлаж, муухай харж ч үзээгүй алдрай бяцхан үрс чинь араатан шиг, эсвэл харгис хэрцгий нэгний гарт өртөж, гэмт хэргийн золиос болж байх вий гэдэгт анхаарч үзье, эцэг, эхчүүдээ. Хайхрамжгүй орхисон өдрүүдэд тань хүүхдийн чинь толгой руу балбаж, гавлынх нь ясыг цууруулчихаад зогсох харгислалаас хамгаалъя. 

 

 

ХОХИРОГЧ А: ҮЕИЙНХЭНДЭЭ ЗОДУУЛЖ, ДЭЭРЭЛХҮҮЛСНЭЭСЭЭ ИЧЭЭД ХИЧЭЭЛДЭЭ ЯВЖ ЧАДАХГҮЙ БАЙГАА
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 12
  • Сэтгэгдэл үлдээсэн: 2024-02-22 13:04:43
    S: TSAGN SEKSEER80955877
  • Сэтгэгдэл үлдээсэн: 2024-02-22 10:06:10
    Мийгаа: Ээж аав нь анхаарал хандуулаачээ охин нь хохирогч болчихоод байхад энэ охины ярианаас бол анхаардаггүй тоодоггүй юм шиг санагдлаа арай арай
  • Сэтгэгдэл үлдээсэн: 2024-02-21 17:13:19
    Зочин: Зандалчин мэт аашилсан охидын зургийг нь ил тавь
  • Сэтгэгдэл үлдээсэн: 2024-02-21 14:45:09
    Зайл: 78 сургуулийн Сургалтын менежэрийн хариулж байгаа царайгг: цццц яг нэг ман суурьтай худлаа пзда.
  • Сэтгэгдэл үлдээсэн: 2024-02-21 14:36:47
    Зочин: Хойч үедээ маш их санаа зовж байна. Фэйсбүүкийг хаамаар байна. Янз бүрийн юм үзсээр сэтгэцэд нь нөлөөлөөд сонин үе гарч ирж байна.
  • Сэтгэгдэл үлдээсэн: 2024-02-21 13:59:41
    78 arai2 : Meneger ne yuun buurunhii hariult ugdiin 2 hunii dunduur oronguut, busad dunduur orloo geed niileed zodtson yum shig l yum yariad bdag nasss arai2
  • Сэтгэгдэл үлдээсэн: 2024-02-21 12:57:37
    Зочин: Ярагалсанд нь арга хэмжээ аваарайдаа хохирогчийг хохироодог хуультай шүү монголын шүүхээ гэж мөнгөний талд үйлчилдэг газар шүү
  • Сэтгэгдэл үлдээсэн: 2024-02-21 12:03:30
    Иргэн : Хагас өнчин охин гэсэн .хөөрхий минь ээж нь өнгөрсөн юм гэнэ лээ. Яргачин охидод хатуу арга хэмжээ авах хэрэгтэй
  • Сэтгэгдэл үлдээсэн: 2024-02-21 11:53:17
    Иргэн: Ийм үйлдэл мэр сэр гарч б.а. багш нар, нийгмийн ажилтан, эцэг эхчүүд харилцаатай байж илэн далангүй ярилцаж байх хэрэгтэй. Зарим бага ангийн охид ангийнхаа охидоло дээрэлхүү ханддаг, шоголдог асуудал гарсаар байхад ангийн багш анзаардаггүй. Цаашид цаг зав гаргаж онцгой анхаарах хүүхдүүдтэй дотно яриа өрнүүлж сэтгэлийн үгийг нь сонсох хэрэгтэй. Дээрлэхэлт хаяагүй б.гаа шүү сурлагаар нь, өмссөн зүүсэнээо нь ...
  • Сэтгэгдэл үлдээсэн: 2024-02-21 11:36:01
    Од: Охин хичээлдээ явах хэрэгтэй харин зодсон хүүхэдийг засан хүмүүжүүлэхрүү явуулбал таарна ар гэрт нь хариуцлага хүлээлгэх хэрэгтэй
  • Сэтгэгдэл үлдээсэн: 2024-02-21 11:23:39
    Irgen: Derlehej baigaa ohiduudiig alchihmaar bna shuu
  • Сэтгэгдэл үлдээсэн: 2024-02-21 09:39:43
    irgen: Eh.emee.ohin tiim bdg baij.Ugui ter surguuliin menejier uu.setgel zuich uu er em medegdehgui.duu garajgui sug shig uomnuud olon 100 n huihed humuujuulne gj bhuu.Bas neg sugani usnuudee tsalin egeh baidag uomuu.Surguulid tiim ajiltan bn gevel surguuliud chin tetgeveriin emee.manin humuuseer duursen bn.Huviin jijijg surguuliud bugd tetgeveriin bur 65.deesh nasnii emee nar bdg.ted nar huuheded uo zaah uom.MUiin bolobsroliig dampuuruulj bn.Huviin ylih shalihgui ulsaas datots avdag tetgeveriin bagsh nartai surguuliig haa.
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188