• Өнөөдөр 2024-03-29

АРГАЛАНТ СУМЫН ЗАСАГ ДАРГА Б.БАТЖАРГАЛЫГ ТАНХАЙН ХЭРГЭЭР ЯЛЛАГДАГЧААР ТАТЖЭЭ

2023-06-02,   1599

        Төв аймгийн Аргалант сумын Засаг дарга Б.Батжаргал олон нийтийн газар төрийн албан хаагчдыг зодож, танхайрсан хэрэг гараад жилийн нүүр үзэх нь. Тодруулбал, тэрбээр өнгөрсөн жил сумынхаа наадмаар багийн дарга Э болон ЗДТГ-ын дарга Ш нарыг зодож, танхайрсан байдаг. Засаг дарга Б.Батжаргал нь өөрийн хамаарал бүхий этгээдийн морийг уралдуулсангүй, хаслаа гэх шалтгаанаар дээрх албан хаагчдыг зодсон гэх. Тэгвэл Аргалант сумын Засаг дарга Б.Батжаргалыг төрийн албан хаагчийн ёс зүйг зөрчсөн, эрх мэдэл, албан тушаалын байдлаа урвуулан ашиглаж, олон нийтийн газар бусдын биед халдсан гэх үндэслэлээр яллагдагчаар татсан талаар эх сурвалж мэдээллээ.

Эх сурвалжийн бидэнд өгсөн мэдээллээр “Хууль хяналтын байгууллагаас Аргалант сумын Засаг дарга Б.Батжаргалыг шалгаж, яллагдагчаар татсан нь үнэн. Хуулийн байгууллагаас шалгаж, гэм буруутайг нь тогтоогоод яллах дүгнэлт үйлдсэн юм билээ. Тун удахгүй шүүхийн урьдчилсан хэлэлцүүлэг болно гэсэн. Засаг дарга Б.Батжаргалд зодуулсан багийн дарга Э гомдол гаргасан юм байна лээ. Мөн зодож, танхайрч байгаа бичлэг нь цацагдсан учраас хуулийн байгууллагаас шалгасан байх. Засаг даргадаа зодуулсан ЗДТГ-ын дарга нь гомдол гаргаагүй юм байна лээ. Өөрөөр хэлбэл, нэг хүний гомдлоор Б.Батжаргал даргыг шалгаж байна. Угтаа эл хэрэгт чинь хэд хэдэн хүн хохирогчоор оролцох ёстой. Гэтэл Засаг дарга Б.Батжаргал эрх мэдэл, албан тушаалын байдлаараа далайлгаж, бусад хүмүүсийг чимээгүй болгосон байх магадлалтай. Ямартай ч шүүхээс тэнсэн, торгууль гэх мэт ял оноох байх. Шүүхийн тогтоол уншуулсан Засаг даргатай болох нь, Аргалант сумынхан” гэлээ.

“АРГАЛАНТ СУМЫН ЗАСАГ ДАРГА Б.БАТЖАРГАЛ ТАНХАЙН ХЭРГЭЭР ШАЛГАГДАЖ БАЙГАА Ч АЖЛАА ХИЙЖ БАЙГАА”

Аргалант сумын Засаг дарга Б.Батжаргал танхайн хэргээр шалгагдаж, яллагдагчаар татагдсан ч ажлаа хийж байгаа талаар эх сурвалж мэдээллээ.

Тэрбээр “Аргалант сумынхан танхай Засаг даргатай жилийн нүүр үзэж байна. Ажил ч урагшаа явдаггүй, хийсэн бүтээн байгуулалт ч байхгүй. Аймгийнхан “Танхай Засаг даргатай” гээд үзэхгүй. Сумынхан хүний нүүр харж чадахгүй л явна. Төрийн албан хаагчаа зодож, танхайрч, Монгол даяар танигдсан хэрнээ албан тушаалаасаа буухгүй гэх  юм байна лээ. Шүүхээс ял авсан ч албан тушаалаа өгөхгүй гэх байх. Төрийн алба төрлийн алба болно гэдэг л энэ байх. Угтаа төрийн албан хаагчийн ёс зүй хэм хэмжээг дээд зэргээр зөрчиж, эрх мэдэл, албан тушаалын байдлаа урвуулан ашигласан хүнийг албан тушаалаас нь аль хэдийн чөлөөлсөн байх ёстой. Гэтэл аймгийн Засаг дарга нь ямар ч арга хэмжээ авахгүй өнөөдөрт хүрлээ” гэв.

Бид Аргалант сумын Засаг дарга Б.Батжаргалтай холбогдож, тодруулах гэсэн боловч утас нь салгаастай байсан юм. Тэрбээр 2022 оны аравдугаар сард манай сайтад мэдээлэл өгөхдөө “Төрийн албан хаагчаа зодсон гэх хэргийг шалгаж дуусаагүй. Надад хэн ч хариуцлага хүлээлгээгүй” гэж байсан юм.

АРГАЛАНТ СУМЫН ЗАСАГ ДАРГА Б.БАТЖАРГАЛД ЗОДУУЛСАН БАГИЙН ДАРГА Э-Г ЯЛЛАГДАГЧААР ТАТЖЭЭ

Хачирхалтай нь, Аргалант сумын Засаг дарга Б.Батжаргалын хамаарал бүхий этгээдийн эрлийз морийг хассан гэх шалтгаанаар зодуулсан багийн дарга Э-г яллагдагчаар татжээ. Өөрөөр хэлбэл, төрийн албан хаагчийг зодсон Засаг дарга Б.Батжаргал болон түүнд зодуулсан багийн дарга Э-д хамтад нь яллах дүгнэлт үйлдсэн гэнэ.

Эх сурвалж хэлэхдээ “Засаг дарга Б.Батжаргал, багийн дарга Э нарт холбогдох хэргийн урьдчилсан хэлэлцүүлэг зургадугаар сарын 6-нд болно. Хоёуланг нь яллагдагчаар татаж, шалгаж байгаа. Аргалант сумын Засаг дарга Б.Батжаргалын шалгагдаж байгаа шалтгаан ч тодорхой байх. Харин зодуулсан багийн дарга Э-г яллагдагчаар татсанд гайхаж байна. Мөрдөн шалгах ажиллагаа 11 сар үргэлжлээд эцэст нь хамтад нь яллагдагчаар татсан байна лээ. Хууль хяналтын байгууллагынхан тогтоож, шалгасан байлгүй дээ. Залуу хүмүүс шүүхийн тогтоол уншуулах болсонд харамсаж байна” гэсэн юм.

АРГАЛАНТ СУМЫН ЗАСАГ ДАРГА Б.БАТЖАРГАЛД ЗОДУУЛСАН Э: НАМАЙГ ЯЛЛАГДАГЧААР ТАТСАН НЬ ҮНЭН

Бид энэ талаар Аргалант сумын багийн дарга Э-тай холбогдож, тодруулахад “Намайг яллагдагчаар татсан нь үнэн. Намайг зодсон Засаг дарга Б.Батжаргалыг ч яллагдагчаар татсан. Шүүх хурал удахгүй болно. Намайг Засаг даргын шүдийг хугалж, танхайрсан гэх үндэслэлээр яллагдагчаар татсан байна лээ. Гэхдээ би хэний ч биед халдаагүй, танхайраагүй. Монголын ард түмэн харсан шүү дээ. Зодуулсан хүнийг яллагдагчаар татсанд гайхаж байгаа. Шүүхээр үнэн, зөв нь тогтоогдох байлгүй. Шийдэгдээгүй хэрэг учраас нарийн мэдээлэл өгөх боломжгүй байна” гэлээ.

 


АРГАЛАНТ СУМЫН ЗАСАГ ДАРГА Б.БАТЖАРГАЛЫГ ТАНХАЙН ХЭРГЭЭР ЯЛЛАГДАГЧААР ТАТЖЭЭ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 4
  • Сэтгэгдэл үлдээсэн: 2023-06-03 05:23:14
    zochin: Door setgegdel bichsen xumuus aimaar zerleg xargis xertsgii xuchirxiilegch xumuus bainaa
  • Сэтгэгдэл үлдээсэн: 2023-06-02 23:57:01
    Зочин: Лантуугаар гавлыг нь бяцалж ал.
  • Сэтгэгдэл үлдээсэн: 2023-06-02 10:26:55
    Зочин : Буруу сэхсэн хүнийг байранд нь тавих нь зүйн хэрэг.
  • Сэтгэгдэл үлдээсэн: 2023-06-02 09:56:12
    Зочин: Цусан өшөө ав
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188