Улсын Онцгой комиссын өнөөдрийн хуралдаанаар есдүгээр сарын 21-ний өдрөөс сургууль, цэцэрлэгийг хэвийн горимоор хичээллүүлэх шийдвэр гаргалаа.Тодруулбал, Цар тахалтай холбоотойгоор долоо хоногт гурван өдөр танхимаар, хоёр өдөр цахимаар хичээллэх түр журам гарсныг мөрдөж буй. Тэгвэл УОК-ын өнөөдрийн хуралдаанаас бүх шатны боловсролын байгууллагын үйл ажиллагааг есдүгээр сарын 21-нээс хэвийн горимоор хичээллүүлэх санал гаргасан байна.

Түүнчлэн энэ удаагийн хуралдаанаас үзвэр, үйлчилгээг энэ сарын 16-наас хэвийн үргэлжлүүлэх санал гаргажээ. 

Хэрэв Засгийн газрын хуралдаанаар дээрх саналуудыг хэлэлцээд боломжгүй гэж үзвэл хэсэгчилсэн өндөржүүлсэн бэлэн байдлын зэрэгт шилжих хугацааг 2020 оны есдүгээр сарын 31-нийг дуустал сунгах саналыг УОК-оос гарган, Засгийн газрын хуралдаанаар хэлэлцэх гэж байна. 

Засгийн газрын хуралдаан өнөөдөр 14:00 цагт товлогджээ.