МАН-ынхан нэг хайрцагтаа багтах уу, бүрэн мөсөн задрах уу гэдгийг дэнслэх өдөр өнөөдөр тохиож байна. Нэг ёсондоо Л.Оюун-Эрдэнийн хамтарсан Засгийн газрыг огцруулах уу, үгүй юу гэдэг шийдвэрийн өмнө очих Бага хурлаас эрх баригчдын ирээдүй хэрхэх вэ гэдгийг шийдэх цаг үе ирж байгаа гэсэн үг. Хэрэв зээ Бага хурлын гишүүдийн олонх нь хамтарсан Засгийн газарт муу дүн тавьж, унагаах юм бол Төрийн ордны халаа сэлгээ энэ намрын чуулган хүртэл дахин үргэлжлэх нь тодорхой боллоо.

    Хамтарсан Засгийн газар байгуулагдснаас хойших хугацаанд төрийн ордноос эхлээд төрийн албаны халаа сэлгээ хөлөөсөө толгой хүртэл иж бүрнээрээ солигдож, дөнгөж дуусаад байгаа. Цаашлаад төрийн өмчит компанийн томилгооноос эхлээд дор хаяж, 1000 гаруй хүний халаас сэлгээний асуудал лав бий.

       Үнэндсэндээ өнгөрсөн найман сарын хугацаанд Төрийн ордонд төвхнөгсөд халаа сэлгээний ажилдаа анхаарсаар гүйцэтгэх засаглалынхаа ажилд төдийлөн анхаарагүй нь бодит үнэн. Тиймдээ ч УИХ-аар хэлэлцүүлэх баталсан Хот тосгоны эрх зүйн байдлын тухай хуулийг бэлтгэл ажил бүрэн хангаагүй гэх шалтгаанаар хуулийн хэрэгжилтийг хойшлуулахаар оруулж ирсэн нь ч худлаа биш.

АН ХҮН НАМ ХАМТАРСАН ЗАСГААС ГАРАХ УУ

        Өнөөдөр МАН-ын бага хурлаар гүйцэтгэх засаглалын тэсэж үлдэх эсэхийг цаашлаад Ардчилсан нам, ХҮН нам хамтарсан Засгийн газарт байх эсэхийг шийдэх бүрэн эрх нь Тусгаар тогтнолын ордныхны бүрэн мэдэлд очоод байна.

     Харин Ерөнхий сайд Л.Оюун-Эрдэнэ суудалтайгаа үлдэж, намын дарга хэвээрэй байх уу үгүй юү гэдэг нь дараагийн асуудал болж хувирна. Өөрөөр хэлбэл, МАН-ын Бага хурлаар хамтарсан Засгийн газрын үйл ажиллагааг үргэлжлүүлэх үү, үгүй юү гэдгийг шийдэх дүрэмтэйгээс биш Ерөнхий сайдын суудлыг авч үлдэх эсэх эрх тэдэнд байхгүй. Нэг ёсондоо МАН-ынхан олонхоороо АН-ын найман сайд, ХҮН намын хоёр сайдыг Засгийн газраас гаргах үгүйг дэнслэхээр цуглаж буй нь энэ.

       Харин Бага хурлын шийдвэр хэрхэхээс шалтгаалж, МАН-ын Удирдах зөвлөл хуралдаж, Ерөнхий сайдыг суудалтайгаа үлдэх үү, үгүй юү гэдгийг шийдэх процесстой.

         Ерөнхийлөгч У.Хүрэлсүх Ерөнхий сайдыг дуудаж уулзах үеэрээ түүнийг хариуцлагаа хүлээж, огцрох сануулга өгсөн гэгдэж буй. Харин Ерөнхий сайд хамтарсан Засгийн газрын үйл ажиллагааг үргэлжүүлэх саналтай байгаагаа илэрхийлснээр Бага хурлаар асуудлаа шийдвэрлэх тохироонд хүрсэн. Харин Бага хурлын тов зарлагдахтай зэрэгцээд дараагийн Ерөнхий сайдад горилогчдын нэрс ч зарлагдаж эхэлснээс харахад МАН-ын дотоод зодоон нэлээд хүчтэй байгаа нь илэрхий байна.

        Хамгийн хачирхалтай нь, хамтарсан Засгийн газраас хөөгдөх дээрээ тулсан АН болон ХҮН намын удирдлагууд өнөөдрийг хүртэл ямар ч хариу үйлдэл гаргахгүйгээр чимээгүй байгаа нь анхаарал татаж байна.

       Ёстой л далалсан газар нь ил гарч, далайсан газар нь далд ордог гэгч нь болж байна. Уг нь тэдэнд хамтарсан Засгийн газраар хийж хэрэгжүүлэхээр амалсан амлалтууд, мөрийн хөтөлбөр хамгийн гол нь иргэд сонгогчдын итгэл үнэмшилтэй тэрсэлдэн байж хамтарсан Засгийн газар багтсан итгэл үнэмшилтэй баймаар.

      Эрх баригч намынхан энүүхэндээ гэхэд ёстой цусаа гартал зодолдож, хөлсөө гартал тэвэрлэдэж чадахаар дотроо дэг журамтай, нэг бодлогод зангидагдаж чаддаг гэдгийг эрхээ биш тэд мэддэг баймаар. Харамсалтай нь,  АН, ХҮН намынхан  суудалтайгаа үлдэхийн тулд МАН-ын шийдвэрийг чимээгүйхэн ажиглаж, хэлснийг нь дагадаг “халаасны” нам нь гэхэд хэлсдэхээргүй байна.

УИХ-ЫН ДАРГА ЕРӨНХИЙ САЙД БОЛЖ, ЕРӨНХИЙ САЙД УИХ-ЫН ДАРГА БОЛОХ УУ

    Уг нь монголын улс төрд тэд хоёрдогч, гуравдагч улс төрийн хүчний үүрэг гүйцэтгэх хүлээсэн бүхэл бүтэн улс төрийн нам баймаар. Тэр байтугай 30 гаруй жил Монголын төрд сөрөг хүчин хийж, гүйцэтгэх засаглалын бодлогыг тодорхойлолцож явсан Ардчилсан намынхан Улс төрийн зөвлөлийн хурлаа хараат бусаар хуралдуулж чадахгүй байгаа нь ил бололтой.

        Өөрөөр хэлбэл, өчигдөр орой зарласан Улс төрийн зөвлөлийн хурлаа ялихгүй шалтгаанаас болж, гэнэт хойшлуулсан нь нууц биш. Тэгэхээр тэд эрх баригчдын үгийг дүүгүй гэгч нь дуулгавартайй биелүүлж байгаагаас ялгаагүй байна. Цаашдаа АН болон ХҮН намынхан яаж ч хөлд нь дүүжлэгдсэн эрх баригчид өөрсдийн дүрмээр улс төрийн зургаа зурж, өөрсдийн зохиосон аяараа дуугаа дуулна. Харин улс төрийн хүрээллийнхний таамаглалаар Ерөнхий сайд Л.Оюун-Эрдэнэ, УИХ-ын дарга Д.Амарбаясгалан нарын байрыг сольж, УИХ-ын дарга Д.Амарбаясгаланд гүйцэтгэх засаглалаа хариуцлуулахаар тохирсон гэх яриа бий. Ерөөс эрх баригч намынхан энэ Ерөнхийлөгчийн сонгууль хүртэл ард

        Эндээс хэдийгээр Төрийн ордныхны халаа сэлгээ, сандал суудлыг  тэр чиг нь Тусгаар тогтнолын ордныхон зохидог бичигдээгүй хуулийг санах цаг болжээ.