Олонх сэтгэгч “Хүн төрөлхтөн бол шашинлаг амьтан гэдгээрээ бусад амьтнаас ялгарахад хүрдэг” гэж үздэг. Гэтэл шашинлаг хүн төрөлхтөн ахуй амьдралын түүхэндээ шинжлэх ухааныг олж, илрүүлсэн билээ. Цаг хугацаа өнгөрөх тусам аль ч шашнаас илүүтэй шинжлэх ухааныг хүмүүс сонирхож, түүнд итгэх болсон нь хүн төрөлхтний томоохон хөгжил дэвшлийн нэг байсан болов уу. Тэр ч утгаараа хүний үүсэл гарлаас эхлүүлээд хүрээлэн буй орчин, амьдралын хэрэгцээнд шаардлагатай зүйлсээс сонин, содонг эрж, илрүүлэх болсон. Тэгвэл уншигч та бүхэнд энэ онд шинээр бий болсон, бүтээсэн шинжлэх ухааны ололтуудаас тоймлон хүргэж байна.

ХАНА НЭВТ ХАРАГЧ ЦЭРГИЙН ТЕХНОЛОГИ

Хэрэглэгчдэд хатуу хананы цаана байгаа хүн, объектуудыг хүмүүсийг илрүүлэх боломжийг олгодог хиймэл оюун ухааныг Израилийн зэвсэгт хүчин ашиглаж эхэлжээ. “Xaver 1000” гэх хиймэл оюун ухаант төхөөрөмж нь хэрэглэгчид хананы цаадахыг “харах” боломж олгодог бөгөөд цэргийн хэрэглээнд давуу тал болно гэж судлаачид үзэж байгаа юм.

Израилийн "Camero-Tech" нэртэй дүрс зургийн шийдлийн компанийн бүтээсэн энэхүү бүтээл нь энэ долоо хоногийн эхээр Парис хотод болсон “Eurosatury 2022” үзэсгэлэн дээр анх удаа дэлхий нийтэд дэлгэгджээ. “Business Insider”-ийн мэдээлснээр компани “Xaver 1000” нь хамгийн түгээмэл барилгын материалыг нэвт харж чаддаг бөгөөд энгийн хэрэглээний ачаар ашиглахад хамгийн бага сургалт шаардах гэнэ. “Camero-Tech” компани цахим хуудастаа "Энэхүү технологийн систем нь урьд өмнө хэзээ ч байгаагүй нөхцөл байдлын 3D дүрслэлийг бий болгож, үйл ажиллагааны тодорхой давуу тал олгодог" гэж бичжээ.

                      “Shephard Media”-гийн дагуу 10.1 инчийн мэдрэгчтэй дэлгэцийг ажиллуулахын тулд маш бага сургалт шаарддаг бөгөөд одоогийн байдлаар зөвхөн Израилийн арми л өөрийн эзэмшлийн технологийг ашиглах боломжтой байгаа хэдий ч, уг төхөөрөмжийг дэлхий даяар маш олон улс авах хүсэлтээ илгээгээд байгаа аж.

САРНЫ ХӨРСӨНД АНХ УДАА УРГАМАЛ УРГАЖЭЭ

Эрдэмтэд анх удаа сарнаас цуглуулсан хөрсөнд ургамал ургуулжээ. Шороог НАСА-гийн Аполло сансрын нисэгчид цуглуулсан бөгөөд судлаачид тэдний зорилго нь шинэ үеийн сансрын судлаачид сарны хөрсийг хоол хүнс тариалахад ашиглаж болох эсэхийг мэдэхийг хүсэж байсан байна. Үр дүн нь Флоридагийн их сургуулийн судлаачдыг гайхшируулж, өнгөрсөн тавдугаар сард сарны хөрсөнд үр тарьж эхэлсэн нь ногооны үр нахиалж тэднийг гайхшируулаад байна. “CBS”-гийн мэдээлснээр эрдэмтэд "Бид энэ туршилтыг хийхийг хүссэн, учир нь бид олон жилийн турш энэ асуултыг асууж байсан. Сарны хөрсөнд ургамал ургадаг уу гэвэл, хариулт нь тийм байна" гэжээ.

Судлаачид саран дээр алхсан хүмүүсийн  “Аполло-11”-ийн нисгэгч Нил Армстронг, Базз Олдрин нар дэлхийд буцаж ирэхдээ авчирсан сарны хөрсөнд зулзаган царцдас тарьжээ. Үр нахиалж байгаа хэдий ч цэцэглэж ургамлууд сарны хөрсний бүдүүн байдлаас болж ганцхан долоо хоногийн дараа стресст орон мөхөж байгаа ч, өмнөх туршилтуудын үеэр хуурамч сарны шороонд тарьсан суулгацаас илүү хурдан бас удаан ургасан байна.

                          Үүний үр дүнд судлаачид сансар огторгуйн хөрсөнд ургамал ургаж болохыг тогтоожээ.

ҮНЭН, ХУДАЛ ЯРЬЖ БАЙГААГ ЦАРАЙГААР НЬ ШҮҮДЭГ РОБОТ

Нүүр царай таних программ шинэ зүйл биш ч, илүү олон шинэ чадваруудыг олж авч байгаа гэнэ. Яг одоо ч та гар утсан дээрээ зарим хувилбарыг нь хадгалж байж магад. Бид эдгээр программ биднийг таньж, хэрэгцээтэй үед манай технологид нэвтрэх боломжийг олгоно гэдэгт найддаг.

                      Тэгвэл судлаачид хиймэл оюун ухаанд зөвхөн нүүрний онцлогийг таних төдийгүй хүний гадаад төрх байдлаар худал эсвэл үнэн ярж байгаад дүгнэлт гаргахыг заажээ. Машинд шүүгдэх нь итгэмээргүй байж болох ч энэ нь хүмүүс бие биеэ хэрхэн дүгнэх талаар дүгнэлт гаргах талаар ихээхэн чухал ач холбогдолтой юм.

Судлаачид өөрсдийнхөө болон бусдын талаарх дүгнэлтийг царайны гэрэл зураг дээр үндэслэн дүгнэлт гаргах алгоритмыг хиймэл оюун ухаанд сургажээ. Харин одоогоор алгоритм дүгнэлт гаргахдаа ямар хүчин зүйл ашиглан гаргадаг нь тодорхойгүй байна. Гэвч эрдэмтэд бидний гадаад төрх дэлхийтэй харилцах арга барилд хэрхэн нөлөөлдгийг өгөгдөл бидэнд зааж өгч чадна гэж үзэж байгаа гэнэ.

МЭС ЗАСАЛЧ РОБОТ

Тархины цус харвалт, аневризмыг эмчлэх дотоод судасны мэс засалд эмч нарыг мэргэшүүлэхийн тулд олон жилийн турш тусгай сургалт шаарддаг хэцүүхэн ажил юм. Иймээс эмч нарын цөөн хэсэг нь энэ мэргэжлийг бүрэн сурч чаддаг. Өвчтөн цус харвалт эсвэл аневризмтай тулгарвал эмчид урт хугацааны үр дагаваргүйгээр эмчлэх боломжтой "алтан цаг" байдаг. Хэрэв өвчтөн томоохон эмнэлгийн төвөөс хэдхэн минутын дотор байрладаг бол бүх зүйл сайн. Гэхдээ тусгайлан бэлтгэгдсэн мэс засалчдад хүрэх боломжгүй алслагдсан бүс нутагт байгаа өвчтөнүүдийн хувьд хэцүү.

                  Энэ асуудлаар “MIT”-ийн инженерүүд мэс засалчид алсаас мэс засал хийхэд ашиглаж болох гар удирдлагатай телероботик мэс заслын системийг бүтээжээ. “Science Robotics” сэтгүүлд нийтлэгдсэн нийтлэлд дурдсанаар уг систем нь уян соронзлогдсон чиглүүлэгч утсыг ашиглан судаснуудаар дамжин нөжрөлтийн байршилд хүрч, түүнийг гаргаж авах эсвэл задалдаг байна. Хэрэв эдгээр системийг улс орны болон дэлхийн өнцөг булан бүрд байгаа эмнэлгүүдэд суурилуулбал бусад хотод мэргэшсэн мэс засалчид алсаас ажиллуулж, хариу үйлдэл үзүүлэх хугацаа, нас баралт, урт хугацааны хөгжлийн бэрхшээлийн түвшинг бууруулах боломжтой болж байгаа юм.