Нэрт зохиолч, яруу найрагч, утга зохиол судлаач П.Батхуяг агсны шүлгүүдээс хүргэж байна.

     Утга зохиолын бүх төрлөөр бичиж, оюуны “сор”-уудаар уншигч, үзэгчдийн тархийг хөгжүүлсэн П.Батхуяг агсан шиг зохиолч түүний үед, түүнээс хойш ч үгүй. Тэр тууж, өгүүллэг, жүжгийн зохиолд цахиур хагалж, сэтгэлгээний яруу найргийг шинэ түвшинд хүргэсэн.

       Тэрээр 1990-ээд оны дунд үед утга зохиолын “Хүрээ хөвгүүд” бүлгэмийг үүсгэн байгуулалцаж, хүүрнэл зохиол, яруу найраг, жүжиг, кино зохиол, утга зохиол судлал, шүүмж" гээд уран зохиолын бүхий л төрлөөр бичиж, бүтээл туурвилын гэгээн ертөнцөд ухамсарт амьдралаа зориулсан юм. Тэрээр “Замдаа гарцгаая, Хүрээ хөвгүүд ээ” /Хамтын. 1997/, “Буух зурвас” /1998/, “Өнгөт ертөнц” /2004/, “Бурхангүй газар” /2004/, “Хүрэл зүрх” /2006/, “Шинэ үнэр хийгээд би” /2006/, “Үнэд орох цаг” /2007/, “Яруу найраг-миний цонх” /2007/, “Үйлийн үрийн байшин” /2008/, “Тэнгэр хэмээх шувуу” /2009/, “Улаан хотын зүрх” /2010/, “Ганцхан тогшилт тэгээд чулуун зүүд” /2010/, “Салхи чулуу борооны сахиус” /2011/, “Би биоплазм шүлгүүд” /2013/, “Хүүрнэл зүрх” /2014/, “Ганцаардлыг иднэ” /2014/, “Цаг хугацааны цас бороо” /2016/, “Хүйтэн хотын романс” /2018/ романууд, “Намар гэрэлтэгч үгс” /2021/, “Нохой далайн зомгол” /2021/, “Чулуун бөмбөрийн нүргээн” /2021/, “Эсээ оршил буюу эсээний тухай эсээ” /2021/ номуудаа монголын болон дэлхийн уншигчдад хүргэсэн. Тэрээр “Бурхангүй газар” /2004/, “Үйлийн үрийн байшин” /2008/, “Шинэ сэрэхүй” /2009/, “Тайзгүй жүжгүүд” /2010/, “Хэлбэргүй бодлогошрол” /2011/, “Эсрэг цаг” /2016/ тэргүүт бүтээлээрээ утга зохиолын оны тэргүүн дээд шагнал “Алтан өд”-ийг долоон удаа хүртэж байсан юм. 

Зарим өдрийг зүгээр л сууж

Зарим өдрийг зүгээр л дуулж 

Зарим өдрийг зүгээр л ууж 

Зарим өдрийг зүгээр л туйлж 

Зарим өдрийг зүгээр л унтаж

Зарим өдрийг зүгээр л угтаж

Зарим өдрийг зүгээр л 

Залбирч өнгөрөөмөөр

Гэтэл бид юундаа 

***

Даарч хоносон бор шувууны

Далавчны үзүүр цантай