Дашзэвэгийн Жаргалсайхан нь Монголын софт рок хөгжмийн Чингис хаан хамтлагийн удирдагч, хөгжмийн зохиолч, яруу найрагч, дуучин, рок хөгжим судлаач, Монгол улсын Ардын жүжигчин юм. Түүнийг Монголын рок хөгжмийн оюун санааны эцэг хэмээн хэвлэл мэдээллийнхэн, хөгжмийн хүрээнийхэн үздэг. Тэрбээр Монголын Хөгжмийн Зохиолчдын холбооны гишүүн, Монголын Зохиолчдын эвлэлийн гишүүн, Монголын Рок музейг үүсгэн байгуулагч, Монголын Дуулаачдын холбооны ерөнхийлөгч бөгөөд 300 гаруй дууны шүлэг, аялгуу бичиж найруулан дуулснаас гадна драмын жүжиг, үлээвэр хөгжимд зориулсан марш, радио телевизийн чимэг хөгжим олныг бичжээ.

     Тэрбээр Монгол Улсын Ерөнхийлөгчийн зарилгаар Төрийн шагнал хүртэхээр болсон. Ингээд түүний онцлох таван дууг хүргэж байна.

Бүргэд

Энэхүү дуу нь түүний “Орон даяар” хөтөлбөр дээр MNB үндэсний телевизээр гарч байсан бөгөөд Монголын байгаль, бүргэд шувууны сүр жавхланг илэрхийлнэ.

Чингисийн баатрууд

1991 онд зохиогдсон бөгөөд Д.Жаргалсайхан өөрөө ая, үг бичиж, дуулсан түүхэн утга бүхий рок дуулал юм.

“Чингис хаан” рок дуулал

Энэхүү бүтээл нь түүний хамгийн алдартай рок дууллуудын нэг. Мөн “Монгол Тулгатны 100 дуу” цомогт багтаж байсан билээ.

Нууцхан хайр

Зүрхэндээ нууцхан хадгалсан хайр, сэтгэлийн үнэн, мөрөөдлийн амт гэх мэт гүн гүнзгий мэдрэмжүүдийг илэрхийлдэг

Тамирчны ялалт хямдхан олдоогүй

Энэ дуу нь түүнд төрийн шагнал авахад хүчин зүйл болсон гурван (“Чингисийн баатрууд”, “Тамирчны ялалт хямдхан олдоогүй”, “Чингис хаан” рок дуулал) бүтээлийн нэг болсон.