Монгол Улсын Ерөнхийлөгч У.Хүрэлсүхийн зарлигаар СТА, дуучин Лодойн Банзрагчид МУГЖ цол олгохоор болжээ. Бид дуучин Л.Банзрагчтай холбогдож, баярын сэтгэдлийг нь хуваалцлаа.  

     Л.Банзрагч “Би Увс нутагтаа ажлаар явж байна. Энэ баярт мэдээг Ерөнхийлөгчийн Тамгын газраас залгаж дуулгалаа. Үгээр хэлэхийн аргагүй сайхан байна. Баярт мэдээгээ хамгийн түрүүнд эгч нар руугаа залгаж хэллээ. Тэд минь надаас ч илүү баярлаж, хайрлаж байна. Би 1996 онд Увс аймгийн Хөгжимт жүжгийн театраас урлагын гараагаа эхлүүлсэн. Урлагтай 29 жил хамт байгаа гэсэн үг л дээ. Энэ хөдөлмөрийг минь үнэлж байгаад баяртай байна. Намайг дэмжиж, өнөөдөрт хүргэсэн гэр бүл, багш, дэмжигчид, Монголын ард түмэндээ баярлалаа. Буйд нутагт ажлаар явж байгаа тул сүлжээ тасалдаад байна” гэлээ.