• Өнөөдөр 2025-07-03

Японы Эзэн Хаан Нарүхито хунтайж байхдаа Монгол Улсад айлчилж байсан

2025-07-03,   124

     Ерөнхийлөгчийн У.Хүрэлсүхийн урилгаар Япон Улсын Эзэн хаан Нарүхито, Эрхэм дээд Хатан Масако нар Монгол Улсад долдугаар дугаар сарын 06-ны өдөр хүрэлцэн ирэх гэж байна.

     Хоёр улсын харилцааны түүхэнд анх удаа Япон Улсын эзэн хаан, хатны хамт манай улсад айлчлах гэж байгаа юм.

     Тэгвэл Эзэн Хаан Нарүхито нь Угсаа залгамжлагч Хунтайжийн хувиар Монгол Улсын Ерөнхийлөгч Н.Энхбаярын урилгаар хоёр улсын хооронд дипломат харилцаа тогтоосны 35 жил, Монгол Улс дахь “Япон жил”-ийн хүндэт зочны хувиар 2007 оны долдугаар дугаар сарын 10-17-ны өдрүүдэд албан ёсны айлчлал хийж байсан юм.  

     Айлчлалын хүрээнд Монгол Улсын Ерөнхийлөгч Н.Энхбаярт бараалхаж, Үндэсний их баяр наадмын нээлт, сурын харваа, Соёолон морьдын уралдааныг  сонирхож, Төрийн хүндэтгэлийн дайллагад оролцсон.

     Байгалийн түүхийн музей, Палеонтологийн хүрээлэн, “Говь” үйлдвэр, Дамбадаржаа дахь япон иргэдийн дурсгалын цогцолбор, Монгол-Японы хүний нөөцийн хөгжлийн төв болон Өвөрхангай, Архангай аймгуудад зочилсон.  

     Айлчлалын үеэр Дуурь бүжгийн эрдмийн театрт зохион байгуулсан Хүндэтгэлийн концертод эрдүү хийл хөгжмөөр Монгол Улсын Филармонийн оркестр, Морин хуурын чуулгын уран бүтээлчдийн хамт К.Сен-Сансын “Хун” аялгууг тоглож байсан түүхтэй.

 


Японы Эзэн Хаан Нарүхито хунтайж байхдаа Монгол Улсад айлчилж байсан
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.