Монгол улсын Засгийн газар, Эрүүл мэндийн яам болон холбогдох байгууллагууд хамтран Улаанбурхан өвчний эсрэг дархлаажуулалтаас хоцорсон 0-15 насны хүүхдүүдийг нөхөн дархлаажуулах үндэсний аянг эхлүүллээ. Түүнчлэн иргэд харьяалах сум, өрхийн эрүүл мэндийн төвүүдээр үйлчлүүлэх боломжтой аж. Улаанбурхан вакцинд огт хамрагдаж байгаагүй болон тун дутуу 15 нас хүртлэх хүүхдүүдийг вакцинжуулахаар эрүүл мэндийн салбарынхан ажиллаж байна. Та бүхэн хүүхдийнхээ дархлаажуулалтын байдлыг эргэн санаж, хянаж, вакциндаа хамрагдаагүй бол нөхөж хийлгэхийг уриалж байна гэж ЭМЯ-аас мэдээлэв.