Энэ сарын 19-ний өдөр Баянзүрх дүүргийн нутаг дэвсгэрт “Тэнгэр плаза” худалдааны төвийн Хаан банкны салбарт хуурамч валют солиулахыг завдсан гэх дуудлага, мэдээлэл цагдаагийн байгууллагад бүртгэгджээ.

Шалгалтын ажиллагаа явуулахад 33 настай, эмэгтэй “Н” нь тус банкны салбарт хуурамч 45 мянган тэнгэ, 200 евро солиулахыг завдсан нөхцөл байдал тогтоогдсон байна.

Эрүүгийн хуулийн тусгай ангийн 18.7 дугаар зүйлд "Мөнгөн тэмдэгт, үнэт цаас, төлбөр тооцооны хэрэгсэл хуурамчаар бэлтгэх, ашигласан бол хоёр жилээс найман жил хүртэл хугацаагаар хорих ял шийтгэнэ" хэмээн заасан байдаг. 

Иймд иргэд та бүхэн энэ төрлийн гэмт хэргээс урьдчилан сэргийлж, мөнгөн тэмдэгтийн нууцлалыг шалгаж байхыг ЦЕГ-аас зөвлөлөө.