Хүчтэй аадар бороо халсан агаар дээшлэхээс шалтгаалан ордог. Нарны тусгалаар газрын гадарга хэт халдаг. Халсан агаар хөнгөн тул дээш хөөрч, өндөрт хүрэх үед хүйтэн агаартай уулзаж конденсацлагддаг (усны уур шингэн ус болж хувирна). Энэ үйл явц борооны үүл үүсгэж, удалгүй аадар бороо оруулна. Аадар бороо нь богино хугацаанд маш их хэмжээний ус унагадаг. Энэ нь газар шингэх боломжгүй их ус болж, үер, шавар гулсалт үүсгэх эрсдэлтэй. Хүчтэй аадар бороо орсны дараа дараах анхааруулга, зөвлөмжүүдийг танд хүргэж байна.

1. Аюулгүй байдлаа шалгах

• Цахилгаан, хий, усны шугамыг шалгах: Үерийн дараа эдгээр шугам гэмтэх эрсдэлтэй. Хэрэв эвдрэл байвал мэргэжлийн хүнд хандах.
• Цахилгаан төхөөрөмжүүдийг* ашиглахаасаа өмнө бүрэн хуурай болсныг баталгаажуулах.

2. Байшин, орон байрны эргэн тойрныг шалгах

• Хана, дээвэр, суурь ус гоожиж байгаа эсэхийг шалгах.
• Мөсөн цас, шавар, үерийн усны улмаас хөрсний гулсалт болсон эсэхийг ажиглах.
• Бохир усны хоолой, шуудууг бөглөрсөн эсэхийг цэвэрлэх.

3. Гадагш гарахдаа болгоомжтой байх

• Усархаг замаар явахгүй байх: 15–30 см гүнтэй усанд ч машин эсвэл хүн сууж болзошгүй.
• Цахилгаанд цохиулах эрсдэлтэй газраас (утас, гэрэлтүүлгийн шон, цахилгаан шугам) хол байх.

 4. Эрүүл мэндийн зөвлөмж

• Гараа тогтмол угаах: Бохир усанд хүрсэн бол яаралтай угаах.
• Цэвэр ус хэрэглэх: Шууд ундны ус болгон хэрэглэж болохгүй уснаас зайлсхийх.
• Хоол хүнсний аюулгүй байдал: Ус, шаварт бохирлогдсон хоол хүнсийг хэрэглэхгүй байх.

 5. Мэдээллийг анхааралтай дагах

• Онцгой байдлын албадын мэдэгдлийг тогтмол сонсох.
• Цаг агаарын мэдээг дагаж, дахин бороо орох эрсдэлийг тооцоолох.

 6. Орчны ариун цэврийг сахих

• Үерийн ус бохирдол тараах учир хог хаягдлыг хурдан цэвэрлэх.
• Үхсэн амьтан, ялзмаг ил гарсан бол мэргэжлийн байгууллагад мэдэгдэх.